බස්රථවල නිරෝධායන නීති අනුගමනය කරන්නේ ද යන්න සහ රියදුරන්ගේ හැසිරීම් පිළිබඳව සොයා බැලීමට මෙම පොලිස් නිලධාරීන් යොදවා ඇති බව අජිත් රෝහණ මහතා සඳහන් කර තිබේ.
මේ අතර, පසුගිය පැය 24 කාලය තුළ නිරෝධායන නීති උල්ලංඝනය කළ 41 දෙනෙක් පමණ අත්අඩංගුවට ගෙන තිබේන බවත් වාර්තාවේ.
මේ අතර කොළඹ සහ ගම්පහ දිස්ත්‍රික්කවල හුදෙකලා කර තිබූ ප්‍රදේශ කිහිපයක් අද සිට හුදෙකලා තත්ත්වයෙන් ඉවත් කර තිබෙනවා. කෙසේ වෙතත් ගම්පහ දිස්ත්‍රික්කයේ ග්‍රාම සේවා වසම් දහයක් සහ කොළඹ දිස්ත්‍රික්කයේ පොලිස් බල ප්‍රදේශය නවයක් තවදුරටත් හුදෙකලා තත්ත්වයේ පවතින බවයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සදහන් කළේ.
මේ අතර උත්සව සමය තුළ රන් භාණ්ඩ, යතුරු පැදි හෝ ත්‍රීරෝද රථ සොරකම් කිරීමේ ප්‍රවණතාවක් ඇති බැවින් මහජනතාව ඒ පිළිබද අවධානයෙන් පසුවිය යුතු බව ද පොලිස් මාධ්‍ය ප්‍රකාශකවරයා කියා සිටියා.