සමඟියට අලියා නෑ.. බදියුදීන් එපා කියයි. එජාප කෘත්‍යාධිකාරී රැස්වීම හබක් Featured

Published in පුවත්
Monday, 02 March 2020 00:19

විපක්ෂ නායක සජිත් ප්‍රේමදාසගේ නායකත්වයෙන් අද දින (02) පිහි‍ටු වීමට නියමිත 'සමඟි ජන බලවේගය' පක්ෂ සංධානයට එක්සත් ජාතික පක්ෂය එක් නොවන ලකුණු පහළ වී ඇත. එම සංධානයේ ලකුණ ලෙස අලියා ලබා දීමට එජාපයෙ රනිල් කල්ලිය එකඟ නොවීම අද දින ද දකින්නට ලැබිණි.

එජාප අරංචි මාර්ග සඳහන් කරන්නේ මෙම සන්ධනය කඩාකප්පල් කිරීම සඳහා රනිල් කල්ලිය කටයුතු කරමින් සිටින බවය. එහෙත් ඊයේ මංගල සමරවීරගේ මාතර මැතිවරණ කාර්යාලයේදී රනිල් වික්‍රමසිංහ පවසා සිටියේ එජාපය සන්ධානයක් ගොඩ නඟා ඒ හරහා මහ මැතිවරණයට ඉදිරිපත් වන බවය. කෙසේ නමුත් ඊයේ පවැති එජාප කෘත්‍යාධිකාරී මණ්ඩලයේ රැස්වීම තීරණයක් නොමැතිව විසිර ගියේය. මේ සම්බන්ධයෙන් විපක්ෂ නායක කාර්යාලය නිකුත් කළ නිවේදනය මෙසේය.

'..අද(01) පැවැති එක්සත් ජාතික පක්ෂ කෘත්‍යාධිකාරී රැස්වීමද නිමාවූයේ එළඹෙන මැතිවරණයට තරග කරන සන්ධානයේ 'ලකුණ"පිළිබදව එකගතාවයකින් නොවේ.

නව සන්ධානය සදහා අලියා ලකුණ සම්මත කරගත් බවට ඇතැම් පාර්ශව ගෙන යන ප්‍රචාරය සත්‍යයෙන් තොර වන අතර එම ප්‍රචාරයන් සියල්ල එම ප්‍රචාරයන්ටම අදාල පිළිකුලද සහිතව ප්‍රතික්ෂේප කරමු.

අලියා ලකුණ සන්ධානයට ලබා දෙන්නේනම් ඊට එක හෙලා අප එකග නමුත් ,ඊට යහපත් ප්‍රතිචාරයක් කෘත්‍යාධිකාරියෙන් ලැබුණේ නැත. ඒ වෙනුවට තර්ක ඉදිරිපත් වූවා මිස එකගතාවයක් ඇතිකර ගැනීමේ අවම අපේක්ෂාව හෝ ඔවුන්ට තිබුණේ නැත.නිෂ්පල වාද විවාද මැද කෘත්‍යාධිකාරී රැස්වීම හමාර වූ අතර පලදායි නොවන කාරණා මත එල්බගෙන කල්මරමින් සිටීමෙන් සිදුවන්නේ ජන පීඩක ආණ්ඩුවට එරෙහිව කදවුරු බැදීමට කාලය අවහිර වීමය.

මේ අතර මාර්තු(2)පැවැත්වීමට නියමිත 'සමගි ජනබලවේගයේ 'සමාරම්භක උත්සවය කිසිදු වෙනසකින් තොරව පැවැත්වෙන බවද ,එකී මහජන බලවේගය මෙරට දැවැන්තම ජන බලවේගය බවට පත් කිරීමේ ජයග්‍රාහී අභියෝගය සඵල කරගන්නා බවද සිහිපත් කරමු. - විපක්ෂ නායක මාධ්‍ය අංශය‍ '

මේ අතර සජිත්ගේ සන්ධානයට රිෂාඩ් බදුයුදීන් නායකත්වය දරන ශ්‍රී ලංකා මහජන කොංග්‍රසය නොගන්නැයි එජාපයේ සිංහල -බෞද්ධ කල්ලියක බලපෑම් එල්ල වී තිබේ.

විල්පත්තු රක්ෂිතය කැපීම හා පාස්කු ඉරිදා ප්‍රහාරය සම්බන්ධ චෝදනා නිසා රිෂාඩ් බදුයුදීන් මන්ත්‍රීවරයා කෙරෙහි සිංහල -බෞද්ධ ජනතාව තුළ බලවත් විරෝධයක් ඇතැයි මේ පිරිස් පෙන්වා දෙයි.

ජනාධිපතිවරණය පරාජය වීමෙන් පසුව එජා පෙරමුණු නායකයන් තීරණය කළේ තමන් සිංහල බෞද්ධ ජන ප්‍රජාවට පක්ෂපාත නොවීම පරාජයට හේතුවූ බවය. සජිත් ප්‍රේමදාස, පාඨලී රණවක, සරත් ෆොන්සේකා මෙන්ම රනිල් වික්‍රමසිංහද මේ මතය දැරුවේය.

එහෙත් සත්‍ය කරුණ නම් දේශපාලනිකව පක්ෂය ශක්තිමත්ව ගොඩ නොගා නොගෙන එකිනෙකා කුලල් කාගෙන එම ජනාධිපතිවරණය පරාජයට පත් කර ගැනීමය. මේ වන විටත් එම පක්ෂ නායකයන් යෙදී සිටින බල අරගලය ඉදිරි මහ මැතිවරණය කෙරෙහි සෘජු බලපැමක් සිදු කරමින් තිබේ. මේ වන විට ජාතිය ආගම මුල් කරගෙනද මෙම බල අරගලය දිග ඇදී ඇති තතු යටතේ සුළුජාතික ඡන්ද ගොඩ පවා එජාපයෙන් ඉවත් වීමට බලපෑමක් කරනු ඇත.

කෙසේ නමුත් රිෂාඩ් බදුයුදීන් මෙවර මහ මැතිවරණය සඳහා තනිව ඉදිරිපත් වීමට පෙර සිටම සූදානමකින් පසුවූ අතර එවැනි තත්වයක් හමුවේ එජාපයට හෝ සමඟි බලවේගයට මුස්ලිම් ඡන්ද විශාල ප්‍රමාණයකින් අහිමි වීමේ ඉඩ කඩක් පවතී. එසේම මහ මැතිවරණයෙන් පසුව බදුයූදීන්ගේ සහය රාජපක්ෂ පාර්ශ්වයට ලැබීමේ ඉඩ කඩක්ද පවතී.

සමඟි ජන බලවේගය යටතේ සජිත් ප්‍රේමදාස ප්‍රමුඛ අනෙක් පක්ෂ කිහිපයක් සමහ මැතිවරණයට එළඹීමට තීරණය කොට තිබේ.

ඒ අනුව, අද (මාර්තු 2 වෙනිදා) අවබෝධතා ගිවිසුමකින් එම නායකයින්ගේ අත්සනින් යුක්තව නව සන්ධානයේ කටයුතු ආරම්භ වීමට නියමිතය.

Leave a comment

ld add copy

Gossip

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

රනිල් බැසිල් අදත් හමුවේ. ඊයේ ගත්ත තීන්දුව දැනුම් දෙයි ?

ජනාධිපති රනිල් වික්‍රමසිංහ මහතා සහ පොදුජන පෙරමුණේ නිර්මාතෘ හා හිටපු අමාත්‍ය බැසිල් රාජපක්ෂ මහතා අතර...

Connet With Us