මෙවර ජනාධිපතිවරණය සඳහා ශ්‍රීලනිපයේ අපේක්ෂකයා ලෙස ඉදිරිපත් වීම වෙනුවෙන් පසුගිය වසර කිහිපය තුලදීම සැලසුම් සහගතව කටයුතු කළ සිරිස්සේන අන්තිම මොහොතේදී ඒ අදහස ඇත්හැර ගැනීම ශ්‍රීලනිපයේ සෙසු නායකයන් පවා තුෂ්නිම්භූත කළ කාරණයකි. එසේම තමාට නොහැකි වුණහොත් සජිත් ප්‍රේමදාසට හෝ සහය දීමේ ප්‍රතිපත්තියක සිරිසේන සිටියේය. මේ පියවරයන් දෙකම අත්හැර දැමීමට තමන් තීරණයක් ගත්තේ කවර හේතුවක් නිසාද යන්න ගැන කිසිවකුට නොපැවසූවද ඉතාම හිතෛශී ශ්‍රීලනීප සහ එජාප ප්‍රධානින් දෙතුන් දෙනෙකුට සත්‍ය කාරණය ඔහු හෙළි කර තිබේ.
කොහොම නමුත් සිරිසේන නිර්පාක්ෂික වීම සිදු වූයේ මහින්ද රාජපක්ෂ සමග මුහුණට මුහුණ හමුවී සිදු කළ අවසන් සාකච්ඡාවෙන් පසුවය. මහින්ද ඒ සාකච්ඡාවට යෑමට පෙර සිය පක්ෂයේ ප්‍රබලයින්ට පවසා තිබුනේ සිරිසේනව ප්‍රශ්නය කර ගන්න එපා.. එයා ගැන මන් බලා ගන්නම් යනුවෙනි.
ඒ අනුවම කරුණු කාරණා සිදුව ඇති අතර , එම සාකච්ඡාවේදී මහින්ද විසින් 2015 වසරේ ජනවාරි 08 වෙනිදා රාත්‍රියේ පොල්වත්තක සැඟවී සිටීමට සිදු කරුණු කාරණාද මතක් කර මෙවරත් තමන්ට අවශ්‍ය ලෙස කටයුතු නොකළහොත් පොල්වත්තෙවත් සැඟවී සිටීමට හැකියාවක් නොමැති බව අවධාරණය කර තිබේ. මොන ක්‍රමයකින් හෝ ගොටාබය දිනවන බවත් ඉන් පසුව තමන්ගේ පවුලට කරපු කෙනෙහිලිකම් වල වාඩුව අනිවාර්යෙන්ම ගන්නා බවත් මහින්ද දැඩිව පවසා ඇත.
මේ තර්ජනය හමුවේ. සිරිසේන තමන්ගේ දරුවන්ගේත් බිරිඳගෙත් සහ ශ්‍රී ලනීපයේ කිහිප දෙදෙකුගේ ජීවිත සම්බන්ධයෙන් තිබෙන අනතුර නිසා නිර්පාක්ෂික වීමට තීරණය කර තිබේ.
දේශපාලන ආරංචි මාර්ග සදහන් කරන ලෙස මේ සත්‍ය කතාව හෙට අනිද්දාම ශ්‍රිලනිපයේ ප්‍රබලයකු විසින් මාධ්‍ය හරහා හෙළිදරව් කිරීමටද නියමිතය.
රාජපක්ෂලා හැමදාමත් බලය අත්පත් කර ගත්තේ බලය පවත්වාගත්තේ තමන්ට බාධාවන සියලු දෙනා ඝාතනය කිරීමෙනි. 1970 බෙලිඅත්තේ දේශපාලනයේ සිට අද මේ මොහොත දක්වාම දේශපාලන සතුරන් ඝාතනය කිරීම හෝ මරණීය තර්ජනය කර මෙල්ල කර ගැනීම සිදුව තිබේ. පසුගියදා සජින්ද වාස් ගුණවර්ධන විසින් හෙළි කළේද එම සත්‍යයයි.
මෙවර ජනාධිපතිවරණ අපේක්ෂකයා වී සිටින්නේ රාජපක්ෂ පවුලේ අලුගෝසුවා වන ගොටාබය රාජපක්ෂයයි. යම් ලෙසකින් ඔහු බලයට පත් වීම යනු රටම අමු සොහොනක් වීම ගැන මිසක් වෙනත් කිසිදු අපේක්ෂාවක් තැබිය හැකි තත්වයක් නොවේ.
.
