ජනාධිපතිවරණයේදී මෛත්‍රී නිර්පාක්ෂිකයි, වැඩ ආවරණයට රෝහණ ලක්ෂ්මන්! Featured

Published in පුවත්
Wednesday, 09 October 2019 08:38

මෙවර ජනාධිපතිවරණයේදී නිර්පාක්ෂිකව සිටීමට ජනාධිපති මෛත්‍රීපාල සිරිසේන තීරණය කර තිබේ. ඒ අනුව එම කාලය තුළ එනම්, නොවැම්බර් 18 දා දක්වා ශ්‍රීලනිප සභාපති තනතුරේ වැඩ ආවරණය කිරීම සදහා මහාචාර්ය රෝහණ ලක්ෂ්මන් පියදාස පත් කර තිබේ.

ජනාධිපතිවරණයේදී ශ්‍රීලනිපය ගත යුතු ස්ථාවරය සම්බන්ධයෙන් ජනාධිපති මෛත්‍රීපාල සිරිසේන පාක්ෂිකයන්, ආසන සංවිධායකවරුන්, මන්ත්‍රීවරුන් සහ මධ්‍යම කාරක සභාවේ අදහස් පසුගිය දින කිහිපය තුළ විමසූ අතර, එයින් ඇතැම් පිරිසක් පොහොට්ටුවටත්, තවත් පිරිසක් සජිත් ප්‍රේමදාස මහතාටත් ශ්‍රීලනිප සහාය ලබාදිය යුතු බව ජනාධිපතිවරයාට දැනුම් දී ඇත. එම දෙපාර්ශවයේම අදහස් සැලකිල්ලට ගත් ජනාධිපතිවරයා මෙවර ජනාධිපතිවරණයේදී දේශපාලන වශයෙන් නිර්පාක්ෂික ස්ථාවරයක් දැරීමට තීරණය කර ඇත.

එසේම, නීතිය හා සාමය අමාත්‍යංශය භාර අමාත්‍යවරයා ලෙස සේනාධිනායකයා ලෙස ජනාධිපතිවරයා සිටින නිසා සාධාරණ අපක්ෂපාතී මැතිවරණයක් වෙනුවෙන් ද එම තීරණයට එළඹි බව අභ්‍යන්තර තොරතුරු වාර්තා කරයි.

ජනාධිපතිවරයා ග්‍රාමීය මට්ටමේ පාක්ෂිකයන් සහ ආසන සංවිධායකවරුන්ගේ අදහස් විමසීමේදී බහුතර මතය පළවී ඇත්තේ මෙවර ජනාධිපතිවරණයේදී පොහොට්ටුව ලකුණ යටතේ සහාය දැක්වුවහොත් එය ශ්‍රීලනිපයේ අවසානය විය හැකි බවයි. එහෙත්, පාර්ලිමේන්තු මන්ත්‍රීවරුන් බහුතරයකගේ මතය වී ඇත්තේ මෙවර පොහොට්ටුවට සහාය ලබාදිය යුතු බවයි. ඉකුත්දා එස්.බී. දිසානායක ප්‍රකාශ කළේ පොහොට්ටුවට සහාය ලබා දුනහොත් ඇමතිකමක් ලබා ගත හැකි බවයි.

මේ සම්බන්ධයෙන් මෛත්‍රීපාල සිරිසේන මධ්‍යම කාරක සභාවේ ද මතය විමසා ඇති අතර, එහිදී මතුවූ අදහස් ද සලකා මෙවර ජනාධිපතිවරණයේදී නිර්පාක්ෂිකව සිටීමට තීරණය කළ බව දැනුම් දී තිබේ. ජනාධිපතිවරයාගේ මතය සියළු දෙනාම ඒකමතිකව පිළිගෙන ඇති අතර, ඒ සදහා අවශ්‍ය ඉඩකඩ ලබාදීමට ජනාධිපතිවරණය නිමවන තෙක් ශ්‍රීලනිප සභාපති තනතුරේ වැඩ ආවරණය කිරීම සදහා මහාචාර්ය රෝහණ ලක්ෂ්මන් පියදාස පත් කිරීමට ඔවුන් එකග වී තිබේ.

ඒ අනුව මෙවර ජනාධිපතිවරණයේදී ශ්‍රීලනිප පාක්ෂිකයාට එක්කෝ ජනාධිපති මෛත්‍රීපාල සිරිසේන මහතා මෙන් නිර්පාක්ෂිකව සිටීමේ ස්ථාවරය හෝ ශ්‍රීලනිප පාර්ලිමේන්තු මන්ත්‍රීවරුන් බහුතරයක් දරන පොහොට්ටුවට සහාය දීමේ ස්ථාවරය ගැනීමට ඉඩකඩ සැලසී ඇත.

නිර්පාක්ෂිකව සිටීමට මෛත්‍රීපාල සිරිසේන ගත් ස්ථාවරය සමග ශ්‍රීලනිපය බෙදී යාම වැළකුණු අතර, කුරුණෑගල පැවති ශ්‍රීලනිප දිස්ත්‍රික් සම්මේලනයේදී ජනාධිපතිවරයා ප්‍රකාශ කළේ ශ්‍රීලනිපයේ අරමුණ මීළග මහ මැතිවරණයේ දී ආණ්ඩුව තනන තීරණාත්මක පාර්ලිමේන්තුවේ බලවේගය බවට ශ්‍රීලනිපය පත්කිරීම බවයි. එසේම එහිදී ජනාධිපතිවරයා සදහන් කළේ 19 වන ආණ්ඩු ක්‍රම ව්‍යවස්ථා සංශෝධනයෙන් බලතල කප්පාදු කර ඇති ජනාධිපති තනතුර වෙනුවෙන් අවධානය යොමු කිරීමට නොව, ශ්‍රීලනිපය තනි පක්ෂයක් ලෙස මීළඟ මහා මැතිවරණයේදී මන්ත්‍රී ධුර 50 ක් පමණ ලබා ගැනීම කෙරෙහි වෙහෙසිය යුතු බවයි.

ජනාධිපති මෛත්‍රීපාල සිරිසේන නිර්පාක්ෂිකව සිටීමට ගත් තීරණය හේතුවෙන් බොහෝ ශ්‍රීලනිප ඡන්දදායකයන් මෙවර ජනාධිපතිවරණයේදී නිර්පාක්ෂිකව සිටීමේ ප්‍රතිපත්තික් අනුගමනය කරනු ඇතැයි දේශපාලන විචාරකයෝ පෙන්වා දෙති.

Leave a comment

Gossip

හබරණ ඇතින්නියන් 7 මැරුවේ අපලයක් දුරු කරන්නලු..

හබරණ ඇතින්නියන් 7 මැරුවේ අපලයක් දුරු කරන්නලු..

හබරණ, හිරිවඩුන්න තුන්ඹිකුලම රක්ෂිතයේදී අභිරහස් ලෙස මිය ගිය ඇතින්නියන් හත් දෙනෙකුගේ මළ සිරුරු සොයා ගැ...

මට වඩා සජිත් ජනප්‍රියයි..ඒත් ජනාධිපති වෙන්න ඕන මන්..- රනිල්ගේ අපූර්ව තීන්දුව

මට වඩා සජිත් ජනප්‍රියයි..ඒත් ජනාධිපති වෙන්න ඕන මන්..- රනිල්ගේ අපූර්ව තීන්දුව

අද උදෑසන පැවැති එක්සත් ජාතික පක්ෂයේ ජේෂ්ඨයන්ගේ ‍රැස්වීමෙදී රනිල් වික්‍රමසිංහ තමන් ජනාධිපතිවරණයට ඉදිර...

මහරගම බංගලාවක, ජනපති අපේක්ෂකයෙක් සහ ජනපති සොයුරෙක් රහස් කතාවක

මහරගම බංගලාවක, ජනපති අපේක්ෂකයෙක් සහ ජනපති සොයුරෙක් රහස් කතාවක

ජනාධිපති සොහොයුරෙකුට අයත් මහරගම විද්‍යාකර මාවතේ පිහිටි සුපිරි බංගලාවක මේ මොහොතේ ( 24 රාත්‍රියේ) රහස්...

සමාවෙන්න අයියේ..! ගෝඨා හොර ලියවිල්ලේ වැරැද්ද බාරගනියි.

සමාවෙන්න අයියේ..! ගෝඨා හොර ලියවිල්ලේ වැරැද්ද බාරගනියි.

තමන්ගේ අමරිකානු පුරවැසිභාවය පිළිබඳ ගැටලුව අවසන් කරගත් බවත් ඒ නිසා ජනාධිපතිවරණ අපේක්ෂකත්වය ලබා ගැනිමේ...

Connet With Us