ගෝඨාබයගේ මිලිටරි ජුන්ටාව සිය මිලිටරි බලය පෙන්වා ප්‍රාදේශීය මැතිවරණ ප්‍රචාරක කටයුතු සියතට ගැනීමට ගන්නා උත්සාහය නිසා මෙම ගැ‍ටුම්කාරි තත්වය ඇතිව තිබේ. මේ වන විට සැම දිස්ත්‍රික්කයකම විශ්‍රාමික හමුදා නිළධාරීන්ගෙන් සමන්විත ජුන්ටා බලෑණියක් ගෝඨාබය විසින් සූදානම් කර තිබේ. ඒ ඒ දිස්ත්‍රිකවල මැතිවරණ ප්‍රචාරක කටයුතු සම්බන්ධ වගකීම ඔවුන් බලහත්කාරයෙන් සියතට ගැනීම නිසා පොදුජන පෙරමුණේ ප්‍රාදෙශීය සංවිධායකයන් මේ වන විට මහත් අසීරු තාවයකට පත්ව ඇත.
ජනාධිපතිවරණ අපේක්ෂකය ලෙස නම් කිරීමට පෙර සතියේදී ගෝඨාබයගෙ වියත් මඟ සම්මන්ත්‍රණයක් කුරුණෑගල සංවිධනය කර තිබියදී එම කටයුතු වලට ජොන්ස්ටන් ප්‍රනාන්දු සහ ඔහුගේ ගෝල බාලයන් එය කඩා කප්පල් කිරීම සඳහා ප්‍රසිද්ධියෙම වෙහෙසුනු අයුරු දකින්නටද ලැබිණි. ඊට හේතුව වූයේ ද මේ මිලිටරි ජුන්ටාව ප්‍රාදේශිය දේශපාලන නායකයන් නොසලකා කටයුතු කරන්නට යෑමය.
කෙසේ නමුත් මෙම තත්වය සම්බන්ධයෙන් මේ වන විට මහින්ද රාජපක්ෂට පැමිණිලි කිරීමට ප්‍රාදේශීය නායකයන් රැසක්ම කටයුතු කර තිබේ. ඔවුන් හමුවේ මහින්ද රාජපක්ෂ දැනුම් දී තිබෙන්නේ ගෝඨාට බිය නොවන ලෙසත් ගොඨභයගේ මිලිටරි ජුන්ටාවට අවශ්‍ය අයුරින් කටයුතු කිරීමට ඉඩ නොදෙන බවත්ය. ගොඨාභය පොදු ජන පෙරමුණේ සාමාජිකයකුවත් නොවන නිසා එම පක්ෂයේ කටයුතු වලට ඔහුගෙන් වන බාධාවන්ට ඉඩ අහුරණ බවත් ප්‍රාදෙශිය මැතිවරණ කටයුතු තමන්ගේ නායකත්වයෙන් පමණක් සිදු කිරීමට තීරණය කළ බවත් මහින්ද රාජපක්ෂ මෙම සංවිධායකයන්ට පොරොන්දු වී තිබේ. ඒ අනුව ගොඨාභයගේ අසනීප තත්වයද සලකා බලා ඔහුව නාගරිකව සිදුවන ප්‍රචාරක කටයුතු සඳහා පමණක් යොදා ගන්න බවත් අවධාරණය කර තිබේ.
ජනාධිපතිධුරය බලරහිත තනතුරක් බවත් වඩා වැදගත් වන්නේ අගමැතිධුරය බවත් මෙහිදී පෙන්වා දී ඇති මහින්ද මෙම ජනාධිපතිවරණය එළඹෙන මහ මැතිවරණයේ ප්‍රචාරක කටයුතක් ලෙස සලකා සිදු කරන ලෙසද ප්‍රාදේශීය මන්ත්‍රීවරුන්ට දැනුම් දී ඇත්තේ තමන් මීළඟ අගමැතිවරයා ලෙස පත්වන බව අවධාරණය කරමිණි.
