කෙසේවෙතත් මෙම ණය සහනය ලබදීම සම්බන්ධයෙන් රජයේ අනිකුත් පාර්ශව කරුවන්ගේ කැමැත්ත දිනාගැනීම සඳහා විශාල ප්‍රයත්නයක් දැරීමට ග්‍රීක ජනපති ඇලෙක්සිස් සිප්රාස්ට සිදු වෙනු ඇත.
හෙට දින අවසන් වීමට පෙර විශ්‍රාම වැටුප් සහ බදුවලට අදාලව ව්‍යවස්ථා ප්‍රතිසංසකරණ හතරක් සිදු කිරීමට ග්‍රීක අගමැතිවරයාට සිදුවෙනු ඇති බව විදෙස් මාධ්‍ය වාර්තා කරයි.
කෙසේවෙතත් මෙම තීරණය සම්බන්දයෙන් අදහස් දැක්වූ එරට ආරක්ෂක ඇමති පැනොස් කම්මේනොස් පවසා ඇත්තේ මෙම ක්‍රියාමාර්ගයන්ට තමන් සහය නොදෙන බවයි.
ණය ලබා ගැනීම සඳහා ජනතා සහන කප්පාදු කිරීමට ග්‍රීසිය එකඟ වී ඇති බව සඳහන් වේ.ඒ අනුව ඉදිරි වසර තුනක කාලය ඇතුළත ඩොලර් බිලියන 95ක ණය මුදලක් ග්‍රීසියට ලබා දීමට යුරෝපා නායකයන් අනුමැතිය දී තිබේ.
එම ණය මුදල වෙනුවෙන් නව බදු පැනවීම, විශ්‍රාම වැටුප් කප්පාදු කිරීම, ණය ගෙවීම සඳහා අරමුදලක් පිහිටුවීම සහ කම්කරු නීති ප්‍රතිසංස්කරණය කිරීමට ග්‍රීක අගමැති අලෙක්සි සිප්ප්‍රාස් යුරෝපා නායකයන් හමුවේ එකඟ වී ඇති බව පැවසේ.
ඊට අදාළ ප්‍රතිසංස්කරණ හෙට දිනයේදී ග්‍රීක පාර්ලිමේන්තුවට ඉදිරිපත් කරනු ඇති.
කෙසේ වෙතත් යුරෝපා සංගමය ග්‍රීසියට මීට පෙර ඉදිරිපත් කළ ප්‍රතිසංස්කරණයන් ජනමත විචාරණයකින් පසුව ප්‍රතික්ෂේප විය. එමෙන්ම මෙම තීරණය ක්‍රියාත්මක කිරීමට ග්‍රීක රජය අපොහසත් වුවහොත් එරට බැංකු පද්ධතිය ඇදවැටී යුරෝපා සංගමයෙන් ඉවත් වීමට සිදු වෙනු ඇති බව විදේස් මාධ්‍ය වාර්තා කරයි.
