විදෙස් මාධ්‍ය වාර්තාවල දැක්වෙන්නේ මියගිය අය අතර හමුදාවේ ඉහළ නිලධාරීන් හතර දෙනෙක් ඇතුලූව හමුදා සෙබළුන් 17 දෙනෙකු සිටි බවයි.
තත්ත්වය පිළිබඳ නිවේදනයක් නිකුත් කරමින් ඊජීප්තුවේ හමුදා ප්‍රකාශක මොහොමඞ් සමීර් පවසන්නේ මේ වන විට තත්වය බොහෝ දුරට පාලනය කර ඇති බවයි. එසේම තවදුරත් සෙනායි අර්ධද්වීපය ආශ්‍රිත ප්‍රදේශයේ මෙහෙයුම් ක්‍රියාත්මක බව ඔහු පවසයි.
ඊයේ(01) උදෑසන සිට නව හමුදා කණ්ඩායම් සහ පොලිස් ඒකක ස්ථාපිත කරමින් බොහෝ ප්‍රදේශවල මාර්ග බාධක යොදවා ඇති බව ද ඔහු ප්‍රකාශ කර තිබේ. අද උදෑසන පටන් ගුවන් ප්‍රහාරයන් ඇරඹු බව එරටින් ලැබෙන වාර්තා පවසයි.
කෙසේ වෙතත් මෙම ප්‍රහාර හමුවේ අයිඑස් සටන්කාමීන් මිය ගිය සංඛ්‍යාවක් වාර්තා වී නැත. අයිඑස් සටන්කාමීන් සහ ඊජීප්තු හමුදාව අතර ඇති වූ එම සටන් හේතුවෙන්, ඉකුත් 2013 වසරේ සිට මේ දක්වා ඊජීප්තු හමුදා නිලධාරීන් පමණක් 600කට ආසන්න සංඛ්‍යාවක් මියගොස් ඇති බව සඳහන් වේ.
