මෙම වෛරසය ආසාදනය වූ බවට හඳුනාගත් දකුණු කොරියාවේ පළමු රෝගියා සෞදි අරාබියේ සංචාරයකට ගොස් නැවත පැමිණි අයකු බවට තහවුරු වී තිබේ.එසේම 2012 වසරේදී මාර්ස් වෛරසය වැළඳුණු රෝගීන් ප්‍රථම වරට වාර්තා වූයේ සෞදි අරාබියෙනි.
මෙම රෝගය නිසි පරිදි හඳුනාගෙන නොමැති නිසා වැළඳීමට බලපාන හේතු හෝ ප්‍රතිකාර ක්‍රම තවමත් හඳුනාගැනීමට නොහැකි වී ඇත.
මාර්ස් රෝගය ව්‍යාපත් වීමත් සමග දකුණු කොරියාවේ සංචාරය තහනම් කර තිබේ. අනතුරු ඇඟවීමේ නිවේදනයක් නිකුත් කරමින් එරට බලධාරීන් පෙන්වා දෙන්නේ රටින් පිටවීම හෝ රටට ඇතුළු වීම අනාරක්‍ෂිත වනු ඇති බවයි.
එසේම දකුණු කොරියානු ජනාධිපතිවරයා මෙම සතියේ සිදු කිරීමට නියමිතව තිබූ ඇමරිකානු සංචාරයද කල් දමා තිබේ. මේවනවිට දකුණු කොරියාව තුල පාසල් සහ විශ්ව විද්‍යාල විශාල ප්‍රමාණයක් වසාදමා ඇති බව විදෙස් මාධ්‍ය වාර්තා කරයි.
