2013 අවසන් වන විට ඇමෙරිකාවේ සිටි ප්‍රෙස්බිටීරියන් භක්තිකයන් සංඛ්‍යාව මිලියන 1.76 ක් බව වාර්තා වේ. පල්ලියට අයත් ප්‍රාදේශීය පාලන තන්ත්‍ර 171 විසින් මෙම වෙනස අනුමත කර තිබේ. මෙවැනි තීරණයකට එළඹීමට ප්‍රාදේශිය පාලන තන්ත්‍ර අඩකට වැඩි සංඛ්‍යාවක අනුමැතිය අවශ්‍ය විය. අවසන් තීරණයට එළඹ ඇත්තේ එම පදනම මතයි.
ප්‍රෙස්බිටිරියන් පල්ලියේ සංශෝධිත ව්‍යවස්ථාව අනුව දැන් සම ලිංගික විවාහ අනුමත කර ඇත. මෙම තීරණය හේතුවෙන් ඇතැම් අය උද්දාමයට පත්වි සිටින අතර තවත් සෑහෙන පිරිසක් කනස්සල්ලට පත්වි ඇතැයි වාර්තා වේ.
ප්‍රෙස්බිටිරියන් පල්ලිය එළඹි මෙම තීරණය රෝමානු කතොලික පල්ලියේ ස්ථාවරයට සපුරා පටහැනි එකකි. ඇමෙරිකාවේ ක්‍රිස්තියන් භක්තිකයන් අතුරින් බහුතරය රෝමානු කතෝලිකයන්ය. ඉවැන්ජලිස්ට් මූලධර්මවාදීන්ද ප්‍රෙස්බිටිරියන් පල්ලියේ ස්ථාවරයට විරුද්ධ බව සඳහන්. නව ව්‍යවස්ථාව ක්‍රියාත්මක වන්නේ ජූනි 21 දින සිටයි.
(dinamina)
