මෙම ගැටුම් ඇතිව තිබෙන්නේ යුක්රේන හමුදාවන් රුසියානු බෙදුම්වාදීන් සතුව පවතින ප‍්‍රදේශ තම පාලනයට ග‍්‍රහනය කර ගැනීමේ අරමුණින් මෙහෙයුම් දියත් කිරීමත් සමගයි. යුක්රේන රජය පවසන්නේ මේ වන විට ප‍්‍රදේශ කිහිපයක් තම පාලන බලයට නතු කර ගෙන ඇති බවයි.
එම ප‍්‍රදේශයේ පිහිටි ගුවන් තොටුපල ආශ‍්‍රීත ප‍්‍රදේශ මෙලෙස වැඩි වශයෙන් හමුදා පාලනයට පත්ව තිබෙනවා.
යුක්රේන රජය පෙන්වා දී ඇත්තේ රුසියානු හමුදා සෙබළුන් 8500ක පමණ ප්‍රමාණයක් බෙදුම්වාදී කැරලිකරුවන්ට සහාය දෙමින් සිටින බව සනාථ වී ඇති බවය. බෙදුම්වාදී කැරලිකරුවන් සටන් පසුගිය අප්‍රේල් මස ඇරඹීමෙන් පසු සිදුව ඇති ජීවිත හානි 4500 ඉක්මවා ඇති බව වාර්තා සඳහන් කරයි. තවද ඊට අමතරව දහස් සංඛ්‍යාත පිරිසකට උන්හිටි තැන් අහිමිව ඇත.
කරුණු එසේ වුවත් රුසියාව තම හමුදා සාමාජිකයන් ඩොනෙට්ස්ක් ප්‍රාන්තයට යවා නැති බව සඳහන් කරයි.
