ඒ අනුව ඔස්ට්‍රේලියාවේ ආගමන විගමන කටයුතු අමාත්‍ය ස්කොට් මොරිසන් මහතා හා කාම්බෝජ රජයේ නියෝජිතයින් අතර නව ගිවිසුමට අද (25) අත්සන් තැබීමට කටයුතු යොදා ඇත.
කෙසේ වෙතත් සරණාගතයින් කාම්බෝජයට යවනු ලබන්නේ එම සරණාගතයින්ගේ කැමත්ත අකමැත්ත විමසා බැලීමෙන් පසුව බව විදෙස් මාධ්‍ය වාර්තා වල සඳහන් වේ.
සරණාගත රැකවල් අපේක්ෂාවෙන් වාර්ෂිකව ඕස්ට්‍රේලියාවට පුද්ගලයින් නීති විරෝධි අයුරින් මුහුදු මාර්ගයෙන් ඇතුළුවීම පසුගිය වසර කිහිපයේ සාමාන්‍ය දෙයක් බවට පත්ව තිබූ අතර එලෙස අත්අඩංගුවට පත්වන සරණාගතයින් එරට ක්‍රිස්මස් දූපතේ රැඳවීමට පියවර ගත්තේය.
