රුසියාවට යුක්‍රේනයෙන් ප්‍රහාර

Published in විදෙස්
Monday, 02 September 2024 09:31

යුක්‍රේනය එල්ල කළ ඩ්‍රෝන ප්‍රහාර හේතුවෙන් රුසියාවේ විදුලි බලාගාර දෙකක ගිනි ගෙන ඇතැයි වාර්තා වෙයි.

රුසියාවේ ආරක්ෂක අමාත්‍යාංශය පවසා ඇත්තේ, මොස්කව් අගනගරය සහ වෙනත් ස්ථාන 15ක් පමණ ඉලක්ක කරමින් යුක්‍රේනය විසින් ඩ්‍රෝන යානා 158කට වැඩි ගණනක් එවා තිබූ බවයි.

මෙම ඩ්‍රෝන සියල්ල විනාශකළ බවට රුසියාවේ ආරක්ෂක අමාත්‍යාංශය පැවසුව ද මොස්කව් නුවර නගරාධිපතිවරයා පවසා ඇත්තේ එල්ලවූ ප්‍රහාර හේතුවෙන් නගරයේ පිහිටි තෙල් පිරිපහදුවක “තාක්ෂණික කාමරයක” ගින්නක් හට ගෙන ඇති බවයි.

ඔහු පවසා ඇත්තේ මොස්කව් අගනගරය සහ ඒ අවට ස්ථාන ඉලක්ක කරමින් අවම වශයෙන් ඩ්‍රෝන යානා 11ක් පමණ එවා තිබූ බවයි.

මේ අතර, රුසියානු අගනුවර සිට කිලෝමීටර් 120 ක් පමණ දුරින් පිහිටි විදුලි බලාගාරයක් ආසන්නයෙන් ද විශාල පිපිරීම් ඇසුණු බව වාර්තා වී තිබේ.

එම ප්‍රදේශයේ ආණ්ඩුකාරවරයා ද ප්‍රහාරයක් හේතුවෙන් ඇති වූ ගින්නක් මැඩපැවැත්වූ බවට පිළිගෙන ඇති නමුත් ඒ සම්බන්ධයෙන් වැඩි තොරතුරු හෙළි නොකළ බව මාධ්‍ය වාර්තා පවසයි.

මොස්කව් කලාපයේ පිහිටි බලාගාරයකට ද ප්‍රහාර එල්ල වී ඇති නමුත් එයින් කිසිදු හානියක් සිදු වී නොමැති බව සඳහන් වේ.

නමුත් මෙම ස්ථාන තුනේම පිපිරීම් සහ ගිනි ගැනීම් සිදු වී ඇති බවට සමාජ මාධ්‍යවල වීඩියෝ දර්ශන පළ වී ඇති බව විදෙස් මාධ්‍ය පවසයි.

කෙසේවෙතත් යුක්‍රේනය මේ සම්බන්ධයෙන් මෙතෙක් කිසිදු අදහසක් දක්වා නොමැති බව විදෙස් මාධ්‍ය වැඩිදුරටත් පවසයි.

 

-ada derana 

Gossip

රෝහලේ සිට රනිල් ගහපු ගේම

රෝහලේ සිට රනිල් ගහපු ගේම

මේ සතියේ ලංකාවේ මෙන්ම විදෙස් දේශපාලන ලෝකයේ වැඩිපුරම කතා බහට ලක් වූ චරිතය වන්නේ රනිල්ය.රනිල් වෙනස කතා...

හරිනි මැදියම් රැයේ මෛත්‍රී එක්ක රනිල් බලන්න ඇවිත්!

හරිනි මැදියම් රැයේ මෛත්‍රී එක්ක රනිල් බලන්න ඇවිත්!

හිටපු ජනපති රනිල් වික්‍රමසිංහගේ සුව දුක් බැලීමට ඊයේ ( 24) රෑ මැදියම පසු වී අළුයම් කාලයේ අග්‍රාමාත්‍ය...

මහින්ද කුලී නිවෙසක් සොයයි

මහින්ද කුලී නිවෙසක් සොයයි

හිටපු ජනපති මහින්ද රාජපක්ෂගේ විජේරාමයේ පිහිටා තිබූ නිල නිවස පිළිබඳව පසුගිය කාල සීමාවේ බොහෝ දෙනෙක් ගේ...

ප්‍රියමාලි ගැන ගතු කිව්ව අයටත් නඩු වැටෙන හැඩ.  ඩුබායි වලින් සුරංගිවත් ගෙන්වයි ?   

ප්‍රියමාලි ගැන ගතු කිව්ව අයටත් නඩු වැටෙන හැඩ. ඩුබායි වලින් සුරංගිවත් ගෙන්වයි ?  

ව්‍යාපාර සඳහා ආයෝජනය කරන බව පවසමින්, ප්‍රසිද්ධ ව්‍යාපාරිකයන් ඇතුළු ප්‍රසිද්ධ පුද්ගලයන්ගෙන් රුපියල් ම...

Connet With Us