මෙම සංචාර සඳහා රුපියල් බිලියන 1.27ක් වියදම් කර ඇති බවත් හෙළි කර තිබිණි. නමුත් මෙම සංචාරවලින් රටට ලැබුණු ප්‍රතිලාභ අඩංගු ලේඛනයේ කිසිදු තොරතුරක් සභාව හමුවේ ප්‍රකාශ නො කර එය සභාගත කිරීමට පරිස්සම් විය. එසේ වුවානම් රනිල් රට ගිහින් මොනවාද කළේ කියා අසන අයට හොඳම පිළිතුරක් ලැබිය හැකි විය.
නමුත් අවාසනාවකට එක්සත් ජාතික පක්ෂය හෝ වෙනත් කිසිවකුත් හෝ මෙම ලේඛනයේ අඩංගුව මහජනයාට විවෘත්ත කිරීමට කටයුතු සිදු නොකළේය.
මේ නිසා තවමත් මේ රටේ ජනතාව කල්පනා කරන්නේ රනිල් රටේ සල්ලි නාස්ති කරමින් රට සවාරි ගැසූ බවය.
මේ නිසා රටේ ආර්ථික අර්බුදයක් තිබිය දී රනිල් වික්‍රමසිංහ මහතා රට සවාරි ගිහින් රටට දැවැන්ත පාඩු කර ඇති බව ආණ්ඩු පක්ෂයට ජනප්‍රිය චෝදනාවක් නැඟීමේ හැකියාව ලැබී තිබේ. තවමත් ඇද ගෙන යන්නේ එම චෝදනාවමය.
ඒ අතරම රනිල්ගේ රට ගමන් සහ එ්වාට කළ වියදම් විවේචනය කිරීම, සාධාරණීය කිරීමට රටේ ආර්ථික අර්බුදය දඩමීමා කර ගැනීම ද සිදු විය. රනිල් රට ගියේ රටේ ආර්ථික අර්බුදය විසඳා ගැනීමට විදේශයන්ගේ සහය ලබා ගැනීමට බව ආණ්ඩුවේ අය හිතා මතාම වසං කරයි.
ඒ කෙසේ නමුත් මේ වන විට වත්මන් ජනපති අනුර කුමාර දිසානායක පස් හය වරක් විදේශ ගත වී ඇතත් රටට ගෙන ආ ප්‍රතිලබයන් මොනවාද යැයි තවමත් ආණ්ඩුවට පවසා ගැනීමට හැකිව නැත. ඒ තබා ඇතැම් විදේශ සංචාර වල අරමුණවත් පැහැදිලි නැත.
මේ තත්වයන් හමුවේ රනිල් රට ගියේ රටේ මුදල් කාබාසීනිය කර දැමීමට යැයි රටේ මතයක් හැදීම හැර ආණ්ඩුවට මේ මොහොතේ වෙන කරන්න දෙයකුත් නැත.
- ජයතුංග බණ්ඩාර
