රට අරාජික නොකර ගොඩ ගැනීමේ වෑයමට එක්වනු !

Sunday, 17 July 2022 12:42

නීතියේ ආධිපත්‍යය හැම විටම වැදගත්ය. එය බිඳ දැමුව හොත් අප නැවත ගමන් කරන්නේ වනචාරී යුගයක් කරා බව සිහි තබා ගත යුතුය.

බල හුවමාරුව සිදු විය යුත්තේ ප්‍රජාතන්ත්‍රවාදි ආකාරයකටය. ඊට අවශ්‍ය නෛතික ප්‍රතිපාදන ව්‍යවස්ථාව තුළ තිබේ. ව්‍යස්ථා වෙනසකට වුව යා යුත්තේ පිළිගත් නීතියට ගරු කරමින් එහි සඳහන් උපදේශනවලට අනුවය. ආණ්ඩුක්‍රම ව්‍යවස්ථාව යනු රටේ මූලික නීතිය බව අප වටහාගත යුතුය. ඊට පිටින් යෑමේ හැකියාවක් කිසිවකුට නැත.

රට අරාජිත තත්ත්වයක් කරා ඇදී ගිය හොත් සිදු වන ඛේදවාචකයේ තරම සිතා ගන්නට බැරි තරම්ය. ලක්ෂ පහළොවකට වැඩි රාජ්‍ය සේවකයන්ගේ වැටුප් ගෙවන්නේ කවුද? විශ්‍රාමිකයන්ගේ විශ්‍රාම වැටුප් ගෙවන්නේ කවුද? තෙල්, ගෑස්, ඖෂධ මේවා මිලට ගන්නේ කෙසේද? අධ්‍යාපනය, සෞඛ්‍යය, ප්‍රවාහනය ඇතුළු අත්‍යවශ්‍ය සේවාවන් ගැන වගකියන්නේ කවුද? ජාත්‍යන්තර මූල්‍ය අරමුදල සමඟ පවත්වන සාකච්ඡා මේ වන විට අඩාළ වී ඇත. එය පවතින්නේ රට ගොඩනැඟීමේ අවසන් තුරුම්පුව හැටියටය. පවතින තත්ත්වය තුළ අයි.එම්.එෆ් ණය අහෝසි වන්නටත් බැරිකමක් නැත. මේවා පිළිබඳ වගකීමකින් ක්‍රියා කිරීම සෑම පාර්ශ්වයකම යුතුකම වෙයි. රටේ අනාගතය දෙස බලා එම වගකීම ඉටු කරන්නට කවුරුත් වග බලාගත යුතුය.

දේශපාලන පක්ෂ හා ඒවායෙහි නායකයන් ද සද්භාවයකින් ක්‍රියා කළ යුතුය. තමන්ගේ පෞද්ගලික න්‍යාය පත්‍රවලට අනුව වැඩ කිරීමේ හැකියාවක් මේ මොහොත තුළ නැත. පළමුව අර්බුදයෙන් රට බේරාගෙන නිදහස් හා සාමකාමි සමාජ ආර්ථික හා දේශපාලනික පසුබිමක් නිර්මාණය කරගත යුතුය. තනි පාර්ශ්වයකට එය ඉටු කිරීමේ හැකියාවක් නැත. සාමූහික වගකීම මෙහිදී වැදගත් වෙයි. දේශපාලන පක්ෂවලට හා ඒවායෙහි නායකයන්ට පොදු එකඟත්වයක් කරා යෑමට සිදුවනු ඇත. එය අත්‍යවශ්‍ය සාධකයකි. එලෙසම අරගලකරුවන් ද ප්‍රචණ්ඩත්වයෙන් හා බලහත්කාරයෙන් ඉවත් විය යුතුය.

-මහේෂි

Leave a comment

Gossip

මං ගහන්නේ වෙන ගේමක් - රනිල්

මං ගහන්නේ වෙන ගේමක් - රනිල්

ඊයේ සවස ජනාධිපති රනිල් වික්‍රමසිංහ කොළඹ හුණුපිටිය ගංගාරාම විහාරස්ථානයට පැමිණ සිටියා.මෙම ගමන පෞද්ගලික...

මොකක්ද මේ අනුර ජවිපෙනුත් සඟවපු, රනිල් එක්ක තිබ්බ ඩීල් එක ?

මොකක්ද මේ අනුර ජවිපෙනුත් සඟවපු, රනිල් එක්ක තිබ්බ ඩීල් එක ?

අද පාර්ලිමේන්තුව් හමුවේ විශේෂ ප්‍රකාශක් සිදු කළ අගමැති රනිල් වික්‍රමසිංහ එහිදී ජවිපෙ නායකයා මාස 6න්...

චම්පිකගේ කරුමය

චම්පිකගේ කරුමය

රාජගිරියේදී වූ රිය අනතුරට අදාලව සමගි ජන බලවේගය පාර්ලිමේන්තු මන්ත්‍රී පාඨලී චම්පික රණවකට එරෙහිව පසුගි...

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි   

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි  

සිංහල කාන්තාවන් දහස් ගණනකට වඳ සැත්කම් කරන ලදැයි චෝදනා කරමින් දීර්ඝ කාලයක් අත් අඩංගුවේ රදවාගෙන සිට නි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us