රට රැකියාවට ගොස් ගෙදරත් රටත් ගොඩදාගමුද ? Featured

Thursday, 23 June 2022 19:24

ආණ්ඩුව රාජ්‍ය සේවය සම්බන්ධයෙන් ඉතා වැදගත් තීරණ දෙකක් ගෙන තිබේ. පළමුවැන්න සමස්ත රාජ්‍ය සේවය පිළිබඳ අධ්‍යයනයක් සිදුකොට එය ප්‍රතිසංවිධාන කිරීමට පියවර ගැනීමය.

දෙවැන්න දැනට රාජ්‍ය සේවයේ නියුතු අයට බාධාවකින් තොරව විදේශ රැකියා සඳහා පිටත්වීමට අවස්ථාව දීමය.

පළමු කාරණයේ ඉලක්කය වන්නේ විධිමත් හා කාර්යක්ෂම සේවාවක් ජනතාවට සැපයීම සඳහා රාජ්‍ය සේවය යොමු කරවීමය. දෙවන කාරණයේ ඉලක්ක දෙකක් ඇති බව පෙනෙයි. එක රටට අවශ්‍ය විදේශ විනිමය උපයා ගැනීමය. දෙවැන්න රාජ්‍ය සේවකයන්ගේ පවුල්වල ආර්ථිකය සවිමත් කිරීමය. පවතින ආර්ථික අර්බුදයට යම් ආකාරයක විසඳුමක් ද අදාළ වැඩසටහන් ඔස්සේ උකහා ගත හැකිය.එය සාධනීය තීන්දු තීරණ බව විවාදයක් නොමැත.

විදේශ රැකියා සඳහා පිටත් වන රාජ්‍ය සේවකයකුට වැටුප් රහිත වසර පහක නිවාඩු දීමට රජය තීරණය කර ඇත. අවශ්‍ය නම් වසර පහෙන් පසු නැවත රාජ්‍ය සේවයට එකතු විය හැකියි. ඔහුට හෝ ඇයට හෝ හිමි ජ්‍යෙෂ්ඨත්වය අහිමි වන්නේ නැත. උසස්වීම් අහිමි වන්නේ නැත. විශ්‍රාම වැටුපට හෝ පාරිතෝෂික දීමනාවට හෝ කිසිදු බලපෑමක් නැත. මෙය රාජ්‍ය සේවකයා සම්බන්ධයෙන් ඉතා වාසි සහගත අවස්ථාවක් සේ සැලකිය හැකිය. වසර පහක් යනු දීර්ඝ කාලයක් නොවේ. එහෙත් විදේශ සේවාවක නිරත වන තැනැත්තකුට එම කාලය තුළ සැලකිය යුතු ආදායමක් උපයා ගත හැකිය. එලෙසම රටේ පවතින ඩොලර් අර්බුදය විසඳීමට යම් දායකත්වයක් ද ඒ මඟින් දිය හැකිය.

අපේ රටේ රාජ්‍ය සේවය සම්බන්ධයෙන් පවතින ඇතැම් නීති හා රෙගුලාසි යල්පිනූ ඒවා බව බොහෝ දෙනා දනිති. ඒවා විවේචනයට හසු කරන අය ඇතත් වෙනස් කිරීමට උත්සුක වන කෙනකු නැත. මේ අර්බුදකාරී අවස්ථාවේ ඒවා වෙනස් කිරීමට පියවර ගැනීම පැසසිය යුතු කටයුත්තකි.

අප පසු කරමින් සිටින්නේ ඉතිහාසයේ නොවූ විරූ අර්බුදයකි. මේ අර්බුදය තුළ තමන් හා තම පවුල සුරක්ෂිත කිරීමේ වගකීම බොහෝ දෙනකුට පැවරී ඇත. තව අතකින් අපේ රට ගොඩනැඟීමට කුමන හෝ දායකත්වයක් සැපයීමේ වගකීම ද අප හමුවේ ඇත. රාජ්‍ය සේවකයා මේ අතින් බලන විට කේන්ද්‍රීය පුද්ගල සාධකයකි. ඔහුට තමන් හා තම පවුල වෙනුවෙන් ද රට වෙනුවෙන් ද බොහෝ දේවල් කළ හැකිය.

-මහේෂි

Leave a comment

Gossip

චම්පිකගේ කරුමය

චම්පිකගේ කරුමය

රාජගිරියේදී වූ රිය අනතුරට අදාලව සමගි ජන බලවේගය පාර්ලිමේන්තු මන්ත්‍රී පාඨලී චම්පික රණවකට එරෙහිව පසුගි...

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි   

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි  

සිංහල කාන්තාවන් දහස් ගණනකට වඳ සැත්කම් කරන ලදැයි චෝදනා කරමින් දීර්ඝ කාලයක් අත් අඩංගුවේ රදවාගෙන සිට නි...

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

ධීවර රාජ්‍ය ඇමති කාංචන විජේසේකර මහතාගේ පියා වූ හිටපු අමාත්‍ය මහින්ද විජේසේකර එල්ටීටීඊ බෝම්බ ප්‍රහාරය...

අනුරයියාගේ ‍රැල්ල...

අනුරයියාගේ ‍රැල්ල...

බුකියේ ‍රැළි හැදීම සාමාන්‍ය දෙයක්..ඒවාත් මුහුදු රැළි වගේ එනවා යනවා. සමහර ඒවා අතරමඟදී සුනුවිසුනු වෙයි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us