ආහාර අර්බුදයෙන් රට වළපල්ලටම වැටෙයිද ?  

Tuesday, 24 May 2022 20:17

අද වන විට මෙරට අත්‍යවශ්‍ය ආහාර මිල වේගයෙන් ඉහළ යමින් තිබේ. එයට හේතු වූයේ මෙරට තුළ ඩොලරයේ අගය වේගයෙන් ඉහළ යෑම මත සිදුව තිබෙන ආනයන සීමාවන් සහ අන්තර් ජාතික වශයෙන් ඇති මුල්‍ය අර්බුද තත්ත්වයද බලපා තිබීමයි.

මේ අතර නුදුරු අනාගතයේදීම ලොව පුරා ආහාර හිඟයක් ඇති වීමට ලොකු ඉඩක් ඇති බව විශ්ලේෂකයන් අනතුරු අගවයි . එම අනතුරුදායක රාජ්‍යයන් අතර මෙරට ද තිබේ. එහෙත් අපට මේ තත්ත්වය ජය ගැනීමටද පහසු ඉඩක් තිබෙන්නේ අප රට ස්වභාවික සම්පත් වලින් සපිරි රටක් නිසාය.

අනෙක් පසින් අප රට මෑත කාලයේ පැමිණි ජය ගැනීමට නොහැකි යැයි කියූ බොහෝ අභියෝග ජයගත් රටක් බව මතක් කළ යුතුය. 2004 වසරේ සුනාමි ඛේදවාචකයට මුහුණ පෑම නිසා අපට මුහුදුකරය සම්පූර්ණයෙන්ම අහිමි විය.

එහෙත් අවුරුදු දෙකක් තුළ මුහුදුබඩ පළාත් තිබුණාටත් වඩා හොඳින් ප්‍රතිසංස්කරණය කිරීමට අපට හැකි විය. එයට එකම හේතුව වූයේ දේශපාලන භේදයකින්, ජාති භේදයකින් තොරව රටම එකම අරමුණක් වෙත එක් රොක් වීමය. එය අප රටක් ලෙස ලැබූ දිනුමකි. අද වුව ද අපට ඉදිරියේ ඇති අභියෝග ජය ගැනීමට පුළුවන. අවශ්‍ය වන්නේ දේශපාලකයන්ගේ සිට සමස්ත ප්‍රජාවගේම කැපවීම පමණි.

අප රට පාරම්පරිකවම කෘෂිකර්මය මුල් කර ගත් රටකි. එමෙන්ම රට පුරා කොතැන ගත්තද සරුසාරය. එනිසා අපට ආහාර හිඟයකට මුහුණ නොදී සිටීමටත් ඒ අභියෝගය ජය ගැනීමටත් පුළුවන්කම තිබේ. අප රට තුළ වගා කළ හැකි ඉඩම් ඕනෑ තරම් තිබේ. මේ ඉඩම්වලින් විශාල ප්‍රයෝජනයක් ලබා ගැනීමට හැකියාව තිබේ. එනිසා මේ ගැන විශේෂයෙන් අවධානය යොමු කර කටයුතු කළ හැකිය.

මේ වෙනුවෙන් රජය සතු මුඩු ඉඩම් වගා කටයුතුවලට පහසුවෙන් යොදාගත හැකිය. ඒ සඳහා අවශ්‍ය පහසුකම් සලසා දිය හැකිය. එමෙන්ම පුරන් කුඹුරු වී වගාව හෝ වෙනත් විකල්ප වගා සඳහා යොදා ගැනීමට පුළුවන. සිදු විය යුත්තේ කුමන හෝ වැඩපිළිවෙළක් මඟින් පුරුන් වූ වගා බිම් අස්වැද්දීමය.

එමෙන්ම ඉදිරියේදී ඇති විය හැකි ආහාර අර්බුදයට මුහුණ දීමට පොහොර ගැටලුවටද යම් විසඳුමක් සහ ප්‍රතිපත්තිමය ලිහිල්භාවයක් ඇති කළ යුතුය. එසේ කිරීම මඟින් ගොවිතැනින් විතැන් වූ ගොවියා නැවත වගා බිමට කැඳවීමට පුළුවන.

එනම් අපෙන් ඉටු විය යුතු වගකීම් පසෙක තබා අනෙක් අයගෙන් ඉටුවිය යුතු යුතුකම් සහ වගකීම් ගැන පමණක් කල්පනා කිරීම අපට වැරැදුන තැනකි.එය නිවැරැදි කර ගනිමින් රට ඉදිරියට ගෙන යාමට දැන් කාලය පැමිණ ඇත.

-මහේෂි

Leave a comment

Gossip

රනිල්ගේ දරුවෝ ගේම ඉල්ලලා

රනිල්ගේ දරුවෝ ගේම ඉල්ලලා

ශ්‍රී ලංකා පොදුජන පෙරමුණේ විධායක සභා රැස්වීමක් පසුගිය 27 වෙනිදා පැවැත්විලා තිබුණා. ඒ, හිටපු ජනාධිපති...

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

සාරංගගෙන් වෙන් වුණ උමාලි රංගන ශිල්පියෙක් සමග විවාහ ගිවිස ගනී

උමාලි තිලකරත්න කියලා කියන්නේ හැමෝම ආදරය කරන රංගන ශිල්පිණියක්. ඇය ඉතාම ආදරෙන් විවාහා වී සිටියේ සාරංග...

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

පාස්කු ප්‍රහාරයේ සුළමුල හෙළිකරමින් මෛත්‍රීගෙන් පොතක්

"පාස්කු ප්‍රහාරය සැබෑ ලෙසම කළේ කවුරුන්ද කියලා තවම කිසි කෙනෙක් කියලා නෑ. ඒක මම දන්නවා කවුද කළේ කියලා"

ප්‍රමිතියේ ගැටලුවක් නිසා mc ලංකාව හැර යන්න සුදානමින්

ප්‍රමිතියේ ගැටලුවක් නිසා mc ලංකාව හැර යන්න සුදානමින්

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

Connet With Us