සෑම ගමකින්ම අන්තර්ජාලයීය ව්‍යවසායකයෙකු බිහිකිරීමේ වැඩපිළිවෙලක් Featured

Thursday, 14 October 2021 12:17

සෑම ගමකින්ම අන්තර්ජාලය සමඟ ගනුදෙනු කරන නව ව්‍යවසායකයෙකු බිහිකිරීමේ විශේෂ වැඩපිළිවෙලක් ලබන වසරේ සිට ආරම්භ කරන බවත් තරුණ පිරිස ගම ගොඩනගන වැඩපිළිවෙලට දායකත්වය ලබාදීමෙන් රට මුහුණ දී සිටින දුෂ්කර තත්වයෙන් ඉතා ඉක්මණින් මිදීමේ හැකියාව ඇති බවත් තරුණ හා ක්‍රීඩා අමාත්‍ය නාමල් රාජපක්‍ෂ තිරුක්කෝවිල් උදයසූරියම් ක්‍රීඩා සමාජයේ වොලිබෝල් ක්‍රීඩාංගණය විවෘත කිරීමේ අවස්ථාවට එක්වෙමින් පවසා තිබිණි.

‘කොවිඩ්’ වසංගත තත්ත්වය සමඟ ඉතාමත් අපහසු කාලසීමාවක් ගතකිරීම නිසා ක්‍රීඩාවටත්, රැකියාවටත්, ආර්ථිකයටත් බලපෑමක් ඇති වී ඇති බවත් සෑම ගමකම දක්‍ෂ ව්‍යවසායකයෙක් බිහි කර එම ව්‍යවසායකයාගේ නිෂ්පාදන ජාතික හා ජාත්‍යන්තර වෙළදපොළට අන්තර්ජාලය හරහා බෙදාහරින වැඩපිළිවෙල ආරම්භ කරන බවත් අමාත්‍යවරයා මෙහිදි අවධාරණය කළේය.

කොවිඩ් තත්වය හමුවේ සෑම රටකටම විවර වූ නව වෙළඳ දොර‍ටුව වූයේ අන්තර්ජාලය හරහා පාරිභෝගිකයා සමඟ වන සම්බන්ධතාවයය. සංවර්ධිත රාජ්‍ය වලට මෙය අලුත් තත්වයක් නොවුණද ශ්‍රී ලංකාව වැනි තවමත් අන්තර්ජාල ගනුදෙනු වල ප්‍රාථමික අවධියක් ගත කරමින් සිටින රටවලට මෙය තවම අලුත් තත්වයකි. මේ සම්බධයෙන් ගත් විට අන්තර්ජාල වෙළඳාම පැවැතුනේ ඉතා සුළු පරිමාණයෙන් සුළු පිරිසකගේ සහභාගිත්වය පමණි. නමුත් කොවිඩ් තත්වය සමඟ ඉතා විශාල පිරිසක් අන්තර්ජාලය හරහා ගනු දෙනු කිරීමට සිදු විය. එම තත්වය විධිමත්ව තව දුරටත් ගොඩ නැංවීම යුගයේ අවශ්‍යතාවයක් බවට පත්ව තිබේ. ඒ අනුව සෑම ගමකින්ම එක් ව්‍යවසායකයකු හෝ අන්තර්ජාල මාධ්‍යයන් හරහා ව්‍යාපාර කටයුතු කිරීමට රජය මූලික වී අවස්ථාව සහ පහසුකම් ගොඩනගා දීම එම ක්ෂේත්‍රයන් හී සංවර්ධනය සඳහා කරන වැදගත් අත්‍යාවශ්‍ය කටයුත්තක් ලෙස හඳුනාගත හැක.

එසේම මෙහිදී අන්තර්ජාල ගනු දෙනු සම්බන්ධයෙන් දැනට පවතින බාධාවන් ඉවත් කිරීම සම්බන්ධයෙන්ද රජයේ අවධානය යොමු විය යුතුය. විශේෂයෙන්ම. අන්තර්ජාතික මුල්‍ය කටයුතු සම්බන්ධයෙන් මෙරට මුල්‍ය රෙගුලාසි අනුව කර තිබෙන සීමාවන් මෙරටට ගැලපෙන පරිද්දෙන් ඉවත් කිරීම සිදු විය යුතුය. මේවා සම්බන්ධයෙන් මෙරට තරුණ ප්‍රජාව කාලයක් තිස්සෙම ඉල්ලීම් කරමින්ද තිබේ.

මේ හරහා ග්‍රාමීය ආර්ථිකය ජාත්‍යන්තරය සමඟ ගැට ගැසීම සිදු වෙයි. ගමට ආදායම් වැඩි වෙයි. විදේශ විනිමය රටට ලැබෙයි. අන්තර්ජාලය හරහා වන වෙළඳාම පහසුවෙන් සිදු කිරීමට ගමේ පිරිස් පෙළඹෙන විට ගම නගරය අතර වන හිඩැසද පිරවෙනු ඇත. ඒ අනුව ඇමැති නාමල් රාජපක්ෂ මේ ගෙන තිබෙන පියවර රටේ අනාගත අභිවෘද්ධිය වෙනුවෙන් ගත් වටිනා පියවරක් ලෙස නිසැකවම හැඳින් විය හැකිය.

Leave a comment

Gossip

අනුරයියාගේ ‍රැල්ල...

අනුරයියාගේ ‍රැල්ල...

බුකියේ ‍රැළි හැදීම සාමාන්‍ය දෙයක්..ඒවාත් මුහුදු රැළි වගේ එනවා යනවා. සමහර ඒවා අතරමඟදී සුනුවිසුනු වෙයි...

මුදල් අමාත්‍යාංශයේ කප්පම්කාරයන් නැත. කෙරවලපිටිය බලාගාරය දියයුතුයි. - මහින්ද පතිරණ

මුදල් අමාත්‍යාංශයේ කප්පම්කාරයන් නැත. කෙරවලපිටිය බලාගාරය දියයුතුයි. - මහින්ද පතිරණ

මුලින්ම කිව යුත්තේ කෙරවලපිටිය විදුලිබලාගාරය යනු රාජ්‍ය සමාගමක් නොවන බවයි. එහි හිමිකාරයා වන්නේ West C...

කොළඹ පවුල් ආරවුල් වැඩිවෙලා – ගුටි කෑ බිරියන් 30 ක් ජාතික රෝහලේ…..!

කොළඹ පවුල් ආරවුල් වැඩිවෙලා – ගුටි කෑ බිරියන් 30 ක් ජාතික රෝහලේ…..!

කොවිඩ් 19 වසංගත තත්ත්වය පාලනය කිරීමට පනවා ඇති නිරෝධායන ඇඳිරිනීතිය හේතුවෙන් ගතවූ දින 10 තුළ (අගෝස්තු...

මාධ්‍යවේදියා පැහැරගෙන යෑම - රාජිතගේ කිඹුලා පාර්ට් 2 ද?

මාධ්‍යවේදියා පැහැරගෙන යෑම - රාජිතගේ කිඹුලා පාර්ට් 2 ද?

රාජිත සේනාරත්න කියන්නේ දන්න කාලයේ සිටම ගේම්කාරයෙකි. එසේ මෙසේ ගේම්කාරයකුත් නොවේ. රාජිතගේ ගේම් ඇඟ කිළි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us