මෙරට වතු ආශ්‍රිත කම්කරු වැඩ සඳහා මෙරටට ඉන්දියාවේ සිට ගෙන එන ලද වතු කම්කරු ප්‍රජාව මෙරට සිටින දුගීම ජන කොටස ලෙස විශාල පීඩාවකට ලක්වෙමින් තිබිණි. සියවස් එකාමාරක පමණ කාලයක් මුලුන්නේ පරම්පරා ගනනාවක් මේ රට වෙනුවෙන් විදේශ විනිමය උපයමින් දුෂ්කර සේවයක යෙදී සිටියද ඔවුන්ට හිමි වියයුතු අයිතිවාසිකම් කප්පදු කිරීම දිගෛන් දිගටම සිදුව තිබිණි. මෙරට පුරවැසිභාවය ලබාගැනීමත් දීර්ගකාලීන අරගලයකින් අත්පත් කරගැනීමට සිදුවූ අතර මෑතකාලීනව ඔවුන් මුහුණ දුන් ගැටලුව වූයේ ඔවුන්ට ලබාදෙන වැටුප රටේ සාමාන්‍යයෙන් කම්කරු ප්‍රජාවට ලබාදෙන වැ‍ටුපට වඩා විශාල ලෙස පහළ අඩියක තිබීමය.
වැටුප යම් පමණකින් හෝ ඉහළ දමාගැනීම වෙනුවෙන් එම ජනතාවට දිගින් දිගටම අරගල කරන්නට සිදු විය. නමුත් මේ ඉල්ලීම දේශපාලන බලය වෙනුවෙන් තොරොම්බල් කිරීම නිතරම දකින්නට ලැබුණා විනා විසඳුම් ලැබුණේ නැත. වතු හම්පුතුන් විසින් සෑම විටම වැටුප් වැඩි කිරීම ප්‍රතික්ෂේප කිරීම සිදුවිය. කෙසේ නමුත් පසුගිය ජනාධිපතිවරණ යුගයේදී මේ වතු කම්කරු වැටුප් අරගලයට උණුසුම්ව තිබිණි. ඒ අනුව සෑම පක්ෂයකින්ම පාහේ වැටුප් ඉහළ දමන බවට පොරොන්දු දෙන තැනට පත් විය.
කෙසේ නමුත් වත්මන් ජනාධිපති ගෝඨාභය රාජපක්ෂ ද තම මැතිවරණ පොරොන්දුවක් ලෙස වතු කම්කරු වැටුප ඉහළ දැමීමට පොරොන්දු විය. ඒ අනුව අවශ්‍ය පියවර ගත් නමුදු වතු ආම්පුතුන්ගේ සුපුරුදු විරෝධය ඊට හරස් වී තිබිණි. කෙසේ නමුත් වගකිය යුතු පාර්ශ්ව සමඟ දිගින් දිගටම වූ සාකච්ඡා අවසන, වැටුප් වැඩි කිරීමේ ඉල්ලීම ජයග්‍රහණය කරවන්නට ආණ්ඩුව සමත් වී තිබේ. ඒ අනුව අවම දෛනික වැටුප ලෙස රුපියල් 1000.00 ක අවමයක් දැන් වතුකම්කරුවන්ට මෙම මාසයේ සිට ලැබෙනු ඇත.
මෙහිදී රු.1000 ක් යන්නත් රටේ අනෙක් කම්කරුවන් ලබන වැටුප හා සන්සන්දනය කිරීමේදී අවම බව පෙනෙන්ට තිබුණත් මෙහිදි පෙන්වා දිය යුත්තේ අවසන්වරට සංශෝධනය කර නියම කරන ලද වැටුප වන රු 405 වැ‍ටුපට අනුව මෙය දෙගුණයකට වඩා එනම් සියයට 150 ක පමණ වැටුප් වැඩි කිරීමක් බවය. අවසන් වරට එම වැටුප් වැඩි කිරීම සිදු කර තිබුණේද මහින්ද රාජපක්ෂ යුගයේදීය එන්නම් 2014 වසරේදීය.
ඒ අනුව පැහැදිලි වෙන අනෙක් කාරනාව නම් යහපාලකයෝ බලය ලබාගැනීමේදී මේ කම්කරු ප්‍රජාවට වැටුප් වැඩි කර දෙන බවට ලබා දී තිබු පොරොන්දුව් ඉටු කිරීම්ට සමත්ව නොතිබුණු බවය.
