නමුත් පිටසක්වලයන් පිළිබඳ පරීක්ෂණ පවත්වන විද්‍යාඥයන් පවසන්නේ මිනිසුන් පිටසක්වලයන් සමඟ සම්බන්ධතා පැවැත්වීමට පෙර දෙවරක් සිතා බැලිය යුතු බවයි.
ඔස්ට්‍රේලියාවේ පිටසක්වළ ජීවින් පිළිබඳ කටයුතු කරන මහාචාර්ය මැතිව් බේල්ස් පවසන්නේ ආලෝක වර්ෂ දහස් ගණනක් දුර ගෙවා පෘතුවිය වෙත ප්‍රබල සංඥා එවිය හැකි තරමේ දියුණු තාක්ෂණයක් සහිත පිටසක්වලයන් මුළු මිනිස් ශිෂ්ඨාචාරයම විනාශය කරා යොමු කිරීමේ හැකියාවක් සහිත විය හැකි බවයි.
ඔහු පවසන පරිදි දියුණු ශිෂ්ඨාචාර සමඟ ගණුදෙනු කළ නොදියුණු ශිෂ්ඨාචාරවල ඉතිහාසය එතරම් සතුටුදායක නොවේ.
මහාචාර්ය මැතිව් මේවනවිට ලොව ප්‍රමුඛ පෙළේ භෞතික විද්‍යාඥ ස්ටෙපන් හොව්කින්ග් ද සහයෝගය සහිතව සහ රුසියානු ව්‍යාපාරිකයෙක් වන යූරි මිල්නර්ගේ ආයෝජනයෙන් ක්‍රියාත්මක පිටසක්වල ජීවින් සෙවීමේ පරීක්ෂණ සඳහා එකතු වී සිටියි.
මෙම කණ්ඩායම ලෝකයේ දැනට පවතින ලොකුම රේඩියෝ දුරේක්ෂය යොදාගනිමින් විශ්වය පිරික්සමින් සිටින බව පැවසේ. එසේම මෙම දුරේක්ෂය හරහා පෙරට වඩා දස ගුණයක් වැඩිපුර ප්‍රමාණයක් විශ්වය නිරීක්ෂණයට අවස්ථාව හිමිවන බව පැවසේ.
මෙම දුරේක්ෂය සඳහා ඇති නවීන පරිගණක සම්බන්ධ කර ඇති බව පවසන මහාචාර්ය මැතිව් පවසන්නේ පිටසක්වලයන් කවරාකාරයේ සංඥා එවනු ඇති බව නිශ්චිත නැති බැවින් ඒ පිළිබඳවද අවධානය යොමු කර ඇති බවයි. ඔහු පවසන පරිදි පිටසක්වලයන් මිනිසුන්ට හඳුනා ගත හැකි ආකාරයේ සංඛ්‍යා යොදාගත් පණිවිඩ එවීමට වැඩි ඉඩකඩක් පවතියි.
නමුත් එයට පිළිතුරු සපයන ආකාරය සහ පිටසක්වලයන්ට එය ලැබෙන විට බොහෝදුරට අපි සියලු දෙනා මිය ගොස් සිටිනු ඇති බව මහාචාර්ය මැතිව් පවසයි.
