1. මේ වගේ අය ගොඩක් වෙලාවට පිරිසක් අතර ඉන්නවටත් වඩා තනියම ඉන්න තමයි කැමති. (එයාගේ යාළුවෙක් වෙන්න ඔයාට ඕනේ නම් ඔයත් එයා වගේම හිතන කෙනෙක් වෙන්න ඕන. එහෙම නැත්නම් මේ වගේ කෙනෙක්ට යාළුවෙක් වෙන එක ඉතාම අපහසුයි. ඔවුන් මොනම හේතුවකටවත් තමන්ගේ ඉහළ සංඛ්‍යාතයන් පහළ දමා ගැනීමට අදහස් කරන්නේ නැහැ.)
2. ස්වභාවික පරිසරයක් එක්ක නැත්නම් ගහ කොල එක්ක ඉන්නකොට ගොඩක් නිදහස් බවක් මේ වගේ අයට දැනෙනවා.
3. සතුන්ට මේ වගේ ඉහළ සංඛ්‍යාත පරාසයක ජීවත් වෙන මිනිස්සු අතර ඉතාම ආරක්ෂිත බවක් දැනෙනවා. සතුන් ඔවුන්ට නිරායාසයෙන්ම ආකර්ෂණය වෙනවා.
4. ඔබ ඉහළ සංඛ්‍යාත පරාසයක ජීවත් වන විට, පිරිසක් අතරට ගිය අවස්ථාවකදී ඔවුන්ගේ ආකර්ෂණය නිරායාසයෙන්ම ඔබට ලැබෙනවා.
5. ඒවගේම ඒ පිරිස අතර ඇති ශක්තීන්/energy /vibes කියවීමේ හැකියාවක් මේ අයට තියෙනවා.
6. ඒ වගේ අවස්ථාවකදී ඔවුන්ට ඒ ස්ථානයේදී Negative Vibes දැනුනොත් ඉතා ඉක්මනින් ම ඒ ස්ථානයෙන් මේ අය පිට වෙනවා. බොහෝ වෙලාවට මේ වගේ අය ඒ දේවල් වලට හේතු සපයන් නැතුවම ඒ වගේ ස්ථානවලින් අයින් වෙනවා..
7. High vibrational frequencies තියෙන මිනිසුන් යම්කිසි දෙයක් manifest කරන විට ඒවා ඉතා ඉක්මනින් මොවුන් හට ලැබෙනවා. මොකද ඔවුන්ගේ ශක්ති ශරීරය (Aura ) ඉතාම බලවත්.
8. තමන්ව නොදන්නා කෙනෙක් වුණත් ඉතා ඉක්මනින් ම මේ වගේ කෙනෙක්ට ආකර්ෂණය වෙනවා.
9.ඒ විතරක් නෙවෙයි ඔවුන්ගේ ඉතා පෞද්ගලික දේවල් පවා මේ වගේ අයට කියන්න පෙළඹෙනවා.
10. ඉතා ඉහළ සංඛ්‍යාතවල ජීවත්වෙන බොහෝ දෙනා ඉතාමත්ම කාරුණික සහ ආදරණීය අයයි.
11. ඔවුන් ජීවිතයේ අර්ථය වටහා ගැනීමට බොහෝ අවස්ථාවල උත්සාහ දරනවා.
12. ඔවුන් ජීවිතය දෙස ධනාත්මකව හැමවිටම බලනවා.
13. නිතරම සිනාසීමට සහ සතුටින් සිටීමට ඔවුන් කැමතියි.
14. මේ වගේ විශේෂිත පුද්ගලයන් බොහෝ විට අව්‍යාජව ( Authentic self) සහ තමන්ගේ සුවිශේෂී බව රැකගෙන ජීවත් වෙන්න උත්සාහ දරනවා. ඔවුන් තුළ ස්වරූප දෙකක් ඇත්තේ නැහැ.
15. මේ වගේ High vibrational frequencies වල ජීවත් වෙන මිනිස්සුන්ගේ ආගම කුමක් වුවත් ඔවුන් බොහෝ විට ආධ්‍යාත්මික මාර්ගයේ ගමන් කරන පිරිසයි.
16. අනෙකුත් විශේෂිතම දේ නම්, සමහර මිනිසුන් මෙවැනි විශේෂිත ( High vibrational ) මිනිසුන්ට කැමැත්තක් දක්වන්නේ නැහැ. ඒකට හේතුව වන්නේ, අකමැත්තක් දක්වන පිරිස ජීවත් වන්නේ ඉතාමත් පහළ සංඛ්‍යාත පරාසයක වීමයි. මෙවැනි ඉහල සංඛ්‍යාත පරාසයක ජීවත් වන මිනිසුන් දුටු විටම හේතුවක් නැතුවම ඔවුන් මේ පිරිසට අකමැති වෙන්නට පුළුවන්.
17. එම නිසාම මිනිසුන් ආශ්‍රය කිරීමේදී මේ High vibrational frequencies සහිත මිනිසුන් යහපත් සීමාවන්/healthy bountries භාවිතා කරනවා.
18. ඔවුන් බොහෝ විට අනිත් අයට උදව් කිරීමට පෙළඹෙනවා.
19. කිසිවිටකත් වෙනත් මිනිසුන්ව විනිශ්චයකට ( Judgemental ) ලක් කිරීමට පෙලඹෙන්නේ නැහැ.
20. ඔවුන් සැම විටම මේ අවස්ථාව තුළ ජීවත් වෙන්න ( Present moment)උත්සාහ දරනවා.
බලන්න ඔබ තුළ මෙවැනි ලක්ෂණ තිබෙනවාද කියලා. එහෙම නැත්නම් ඔබේ යහළුවන් තුළ. ඔබට හෝ ඔබේ යහළුවන්ට මේ අතරින් කිහිපයක් හෝ තිබෙනවා නම් ඒ දෙපාර්ශවයම ඉතා වාසනාවන්තයි.
