45 වසරක සපුතන්ත‍්‍රී ගී මඟ විමසා බැලෙන ‘‘සපු මල සුවඳම ය.’’ ග‍්‍රන්ථය මෙම වැඩසටහනේ දී එළිදක්වන්නට නියමිත ය. සංස්කරණය පමදා සුහර්ෂී විසිනි. සරසවි ප‍්‍රකාශනයකි.
ප‍්‍රවීණ ගේය පද රචකයකුගේ ගී නිර්මාණ එහි පසුබිම් කතා, ගීතයෙහි සංගීතයෙහි සුවිශේෂතා, එහි අධ්‍යාත්මික සමාජමය වටිනාකම් විවරණය කරමින් ප‍්‍රවීණ සහ නවක ගායක ගායිකාවන් සමඟ ඉදිරිපත් කරන වින්දනාත්මක ගී දැහැනක් ලෙස ”තීර්ථය” එහි සංවිධායක කමිටුව විසින් හඳුන්වා දෙනු ලැබේ. සුභාවිත ගීතයේ, සංගීතයේ මිහිර විඳිමින් රස වින්දනයේ නව්‍ය ඉසව් සොයා ගමන් කරන්නට පදනමක් සැකසීම මෙහි මූලික පරමාර්ථය බව ද ඔවුහු වැඩිදුරටත් සඳහන් කරති.
