අතීත සිනමාවේ සොඳුරු මතකයන් යළි පුබුදුවලමින් සිනමාවේ සුන්දරත්වය විඳ ගැනීමටත්, සිනමාවේ හෙට දවස භාර ගන්නා තරුණ්‍යයට පෙර දවස සිනමාව අධ්‍යයනය කිරීමටත් "හංස විලක්‌" ඔස්‌සේ අවස්‌ථාව ලැබේ.
අග්‍රගන්‍ය සිනමාකරු ආචාර්ය ලෙස්‌ටර් ජෙම්ස්‌ පීරිස්‌ මහතාගේ අනූහය වැනි ජන්ම දිනයද ඉරිදාට (5) යෙදී තිබේ. එනිසා "හංස විලක්‌" ප්‍රදර්ශනය ඇරැඹෙන්නේ ලෙස්‌ටර් ජෙම්ස්‌ පීරිස්‌ගේ චිත්‍රපට දෙකකින් වීමද විශේෂත්වයකි. ආචාර්ය පීරිස්‌ මහතාගේ උපන් දිනය නිමිත්තෙන් විශේෂ සැමරුම් උළෙලක්‌ද එදින සවස 6.00 ට එම ස්‌ථානයේදීම පැවැත්වේ. පසුදා එනම් 6 වැනිදා "යථාර්ථය µeන්ම සියක්‌ද" යන මැයෙන් පස්‌වරු 4.00 ට කථිකාවක්‌ද තරංගනී ශාලාවේදී පැවැත්වේ. "හංසවිලක්‌" උළෙලේ පළමුදිනය එනම් 04 වැනිදා පෙරවරු 10.30 ට "නිධානය", පස්‌වරු 2.30 ට "තුන්වෙනි යාමය" සහ පස්‌වරු 6.30 ට "දෙලොවක්‌ අතර" තිරගත වේ. 05 වැනිදා පෙරවරු 10.30 ට "මේ මගේ සඳයි", 2.30 ට "ආකාස කුසුම්" සහ 6.30 ට "නායකන්" තිරගත වේ.
