ෂහනාවාස් ලොව සිටින ප්‍රවීණතම සාරංගය වාදන ශිල්පියෙකු වන උස්තාද් මොහොමඩ් අහමඩ් බන්යේ ඛාන්ගේ මුණුබුරෙකි. ඉන්දියාවේ ශාස්ත්‍රිය ගායන ශිල්පි උස්තාද් අජාස් අහමඩ් ඛාන් ෂහනාවාස්ගේ පියාය. තබ්ලා වාදන ශිල්පී උස්තාද් සරසරේස් අහමඩ් ඛාන් ඔහුගේ වැඩිමහල් සහෝදරයායි. දිල්ලි ගරානා පරම්පරාවට අයත් ඔහු ගිටාර් වාදනයට යොමු වුයේ වයස අවුරුදු හතරේදිය. තම වයස අවුරුදු දහයක් සපිරෙනවිටදි ඔහු සිය ප්‍රථම ප්‍රසංගය පැවැත්වීය. මේ වනවිට විසිඑක් වියැති ෂහනාවාස් අහමඩ් ඛාන් බටහිර සංගිත භාණ්ඩයක් වන ගිටාරයෙන් රාගධාරි සංගීත තාල මවන්නේ ලොවම වසඟයට ගනිමිනි.

ගිටාරයෙන් රාගධාරි සංගීතය මෙන්ම බටහිර සංගීතයද මුසු කර අපූරු සංගීත රටා නිර්මාණය කරමින් නව නිර්මාණ කටයුතු අත්හදා බලන මේ යොවුන් සංගීත ශිල්පියා ඉදිරියේදී අමෙරිකා එක්සත් ජනපදය , ඔස්ට්‍රේලියාව යන රටවලද තම ප්‍රසංග පැවැත්වීමට බලාපොරොත්තු වන්නේය. ඔහු මීට පෙර රාජකීය විද්‍යාලයේ පැවැති ‘හංස ධ්වනි’ අවසාන අදියර සඳහා සහභාගිවීමට මෙරටට පැමිණ ඇති අතර එහිදි සෞන්දර්ය විශ්වවිද්‍යාලයේ පැවැති වැඩසටහනක් සඳහාද සිය දායකත්වය ලබා දුන්නේය.

ෂහනාවාස්ගේ මෙම සංයුක්ත තැටිය හවුස් ෆුල් ආයතනය විදෙස් සංගීත එකතුවක් නිෂ්පාදනය කළ පළමු අවස්ථාව වේ. එහි පටිගත කිරීම් නුගේගොඩ සොනික් ශබ්ධාගාරයේදි සිදු කෙරිණි. නුදුරේදි එය ලාංකේය වෙළඳ පොළටද නිකුත් කිරිමට බලාපොරොත්තු වන බව කෞෂල්‍යා වික්‍රමසිංහ පැවසුවාය.

සරසවිය

{youtube}njkNx4npuN8{/youtube}