තාගෝර්ගේ ගෝරා ඇතුළු චාරුලතා, තැපැල් මහත්තයා, කබුලිවාලා මෙන්ම එරික් ඉලයප්ආරච්චිගේ ‘තාගෝර්-ආදරවන්තයාගේ කතිකාව’ නමැති වියමන ද මෙහිදී කියවීමට ලක් කරන අතර සුනිල් විජේසිරිවර්ධන, ධර්මසිරි පතිරාජ, අශෝක හඳගම, සීතා රංජනී, එස්.ජී. පුංචිහේවා, අනෝමා රාජකරුණා, හිනිඳුම සිනිල් සෙනෙවි සහ විදර්ශන කන්නන්ගර ඇතුළු සංවාද මණ්ඩපය විසින් එදින සවස 4.30 ට තාගෝර්ගේ සංස්කෘතික ප්‍රතිසංස්කරණ හා බෙංගාල පුනරුදය ගැන අදහස් පල කිරීමට නියමිත ය.

නදීකා බණ්ඩාර විසින් මෙහෙයවනු ලබන මෙම සංවාද මණ්ඩපය තාගෝර්ගේ ගීතාංජලී කාව්‍යයේ එන ගී කවි කිහිපයක් ගායනා කරමින් රසාලිප්ත කරනුයේ චන්ද්‍රසෝම බිංදුහේවා විසිනි.

එදින පස්වරු 1ට තාගෝර්ගේ සාහිත්‍ය කෘතියක් පදනම් කොටගෙන සත්‍යජිත් රායි විසින් නිර්මාණය කළ ‘ඝරේ බායිරේ’ (Home and the world) සිනමා කෘතිය ප්‍රදර්ශනය කරමින් ඇරඹෙයි. මධු සැදෑවක් ලෙසින් පැවැත්වෙන මෙම කතිකාමය මොහොතට සහභාගී වන ඔබ රුපියල් 250.00 ප්‍රවේශ පත්‍රයක් මිලදී ගෙන පැමිණෙන ලෙස සංස්කෘතික විමුක්ති ගිවිසුම (CCL කණ්ඩායම) ආරාධනා කර සිටී.

විමසීම් - 0712667592 / 0715971183