1995 වසරේ ඔක්තෝම්බර් මස 20 වනදා පළමු වරට තිරගත වූ මෙම චිත‍්‍රපටයේ ප‍්‍රධාන චරිතය නිරූපනය කරනු ලබන්නේ සුපිරි බොලිවුඞ් නළු නිළි යුවළක් වන ෂාරුක් ඛාන් සහ කාජල් විසිනි.
චිත‍්‍රපටය තවමත් ප‍්‍රදර්ශනය වන්නේ මුම්බායිහි මාර්තා මන්දීර් සිනමා ශාලාවේය. ඉන්දීය මාධ්‍ය වාර්තා කළේ සති දහසක් සම්පූර්ණ කිරීම නිමිත්තෙන් එම චිත‍්‍රපටය රගපෑ නළු නිළියන්ගේ සහභාගිත්වයෙන් උත්සව රැසක් පවත්වමින් ඇති බවයි.
සංවේදී පේ‍්‍රම කතාවක් වටා ගොඩ නැගුණු ‘‘ දිල්වාලේ දුල්හානියා ලේජායෙන්ගේ ’’ චිත‍්‍රපටයේ ගීතද ලොවපුරා රසික රසිකාවියන් අතර අදටත් අතිශය ජනපි‍්‍රයය. ආදිත්‍ය චොප්රා අධ්‍යක්‍ෂණය කළ මෙම චිත‍්‍රපටය නිර්මාණය කිරීමට ගිය වියදම ඉන්දීය රුපියල් මිලියන 40 කි. එය ලොව පුරා ප‍්‍රදර්ශනයෙන් ඉන්දීය රුපියල් බිලියන එකයි දශම දෙකයි දෙකක ආදායමක් උපයනු ලැබුවේය.
