සිනමාත්මක දෘෂ්ටිකෝණයකින් දිග හැරෙන මෙම නවකතාව විසින් වර්තමාන ලාංකීය නාගරික ජීවිතයේ ප්‍රේමයේ හා ලිංගිකත්වයේ ඇති සංකීර්ණතාවයන් නව ආකාරයකට නැරඹිය හැකි කවුළුවක් විවෘත කරන්නට ඉඩ ඇත.
එසේම සමකාලීන සමාජය තුල විවිධ චරිත අහඹු ලෙස එකිනෙකා අභිමුඛ වන ආකාරයත්, හමුවන හා වෙන්වන ආකාරයත්, හඳුනාගැනෙන හා මගහැරෙන ආකාරයත් පෙන්වන මෙය පොදුජන ජීවිතය මර්දනකාරී වන විට පුද්ගලික ජීවිතයේ ඇති වන සංකීර්ණතා වටහා ගන්නට උත්සාහ කරයි.
මෙහි දී ‘කියවීම යන්නෙහි සමකාලීන අදහස’ පිලිබඳව ආචාර්ය සුනිල් විජේසිරිවර්ධන විසින් දේශනයක් පවත්වන අතර සමන් වික්‍රමාරච්චි හා උපුල් ශාන්ත සන්නස්ගල විසින් මේ රහස් කවුළුවෙන් එබෙන්න නවකතාව පිලිබඳ ඔවුන්ගේ කියවීම් ඉදිරිපත් කරනු ඇත.
සංවාදය මෙහෙයවන්නේ ක්‍රිෂාන්ත ෆෙඩ්රික්.
