මෙම සම්මාන උළෙලේ දී: 2013 වසරේ ප්‍රකාශිත විශිෂ්ටතම නවකතාව, විශිෂ්ටතම කෙටිකතාව, විශිෂ්ටතම ගේයකාව්‍ය, විශිෂ්ටතම පද්‍ය කාව්‍ය සහ විශිෂ්ටතම පුවත්පත් ලිපි සංග්‍රහය සඳහා සම්මාන පිරිනැමුණි.
විශිෂ්ටතම නවකතාවට හිමි සම්මානය ‘‘කුරුලු හදවත’’ නවකතාවේ කර්තෘ ආචාර්ය ලියනගේ අමරකිර්ති මහතාට හිමිවිය. එම කෘතිය සුරස ප්‍රකාශනයකි.
විශිෂ්ටතම කෙටිකතාවට හිමි සම්මානය ‘‘කියනු මැන දිවි අරුත’’ කෘතියේ කර්තෘ ආචාර්ය ගුණදාස අමරසේකර මහතාට හිමිවිය. එය විසිදුනු ප්‍රකාශනයකි.
විශිෂ්ටතම පද්‍ය කාවයයට හිමි සම්මානය ‘‘මීළඟ මිවිත’’ කෘතියේ කර්තෘ රුවන් බන්දුජිව මහතාට හිමි විය. මෙම කෘතිය කර්තෘ ප්‍රකාශනයකි.
විශිෂ්ටතම ගේයකාව්‍යට හිමි සම්මානය ‘‘ඉස්සර විදියට කොපර කොපර පිපිඤ්ඤා’’ කෘතියේ කර්තෘ අමරසේන කංකානම්ගේ මහතාට හිමිවිය. මෙම කෘතිය කිංකිණි ක්‍රියේෂන් ප්‍රකාශනයකි.
විශිෂ්ටතම පුවත්පත් තීරු ලිපියට හිමි සම්මානය මෙවර කෘති ද්විත්වයකට පිරිනැමුණි. ඒ ‘‘ජිවිතයේ ප්‍රබෝධය සහ මරණයේ අසිරිය’’ කෘතියේ කර්තෘ වික්ටර් අයිවන් මහතාට සහ ‘‘වගතුග’’ කෘතියේ කර්තෘ ශ්‍රී චන්ද්‍රරත්න මානවසිංහ මහතාට යි. ඒ මහතාට හිමි සම්මානය ලබාගත්තේ කෘතියේ ප්‍රකාශක සිරිසුමන ගොඩගේ මහතා විසිනි. ‘‘ජිවිතයේ ප්‍රබෝධය සහ මරණයේ අසිරිය’’ කෘතිය රාවය ප්‍රකාශනයකි.
