ශ්‍රී ලංකා චිත්‍රපට සංස්ථාව විසින් 20 වන වරට පැවැත්වෙන මෙම සිනමා සම්මාන උළෙල අද (14) ප.ව 6.30 ට නෙළුම් පොකුණ මහින්ද රාජපක්ෂ රඟහලේ දී සිනමා සම්මාන උළෙල පැවැත්වීමට නියමිතය.
කොවිඩ් වසංගතය නිසා නැවතී තිබු ජනාධිපති සිනමා සම්මාන උළෙල මෙවර සිව් වසරකට පසු යළි පවත්වන්නේ 2019 හා 2020 වසර වල තිරගත වූ චිත්‍රපට 42ක් වෙනුවෙනි. එහි දී ප්‍රධාන සම්මාන 44 ක් හා විශේෂිත සම්මාන 9ක් පිරිනැමෙන අතර ඒ සදහා රුපියල් 69 ,25000 ක මුල්‍ය තිලිණ පිරිනැමීමට ද කටයුතු යොදා ඇත.
ශ්‍රී ලංකා ජාතික චිත්‍රපට සංස්ථාව හා ගොඩකන්ද හර්බල් ආයතනය එක්ව මෙවර ජනාධිපති සිනමා සම්මාන උළෙල සංවිධාන කර ඇත්තේ ජනමාධ්‍ය හා ප්‍රවාහන අමාත්‍ය ආචාර්ය බන්දුල ගුණවර්ධන හා ජනමාධ්‍ය අමාත්‍යාංශයේ ලේකම් අනූෂ පැල්පිට යන අය‌ගේ උපදේශකත්වය හා මග පෙන්වීම අනුවය.
-RS
