ජාතික චිත‍්‍රපට සංස්ථාවේ සිනමාකරණ පාඨමාලාව හදාරා, සිනමාව පිළිබඳ නිසිතාක්ෂණික දැනුමක් සහිතව සිනමාකරණයට පිවිසෙන සුනෙත්, තම පස් වන චිත‍්‍රපටය ලෙස ‘‘3 වරක් 3’’ අධ්‍යක්ෂණය කරනුයේ හාස්‍ය චිත‍්‍රපට සඳහා සිංහල සිනමා පේ‍්‍රක්ෂකයා තුල උනන්දුවක් සහ කැමැත්තක් තිබෙන බව දැක ගත හැකි කාල වකවානුවයි.

තම ‘තෙවන’ සිනමා නිෂ්පාදනය ලෙස මෙම සිනමාපටය වෙනුවෙන් ප‍්‍රධාන නිෂ්පාදනයෙන් දායක වන ජගත් එම්. යාපාගේ දෙවන සිනමා නිෂ්පාදනය වන ‘‘ස්පන්දන’’ ලබන ජනවාරියේ සිට සිනමා ශාලා 35 ක තිරගත වීම ආරම්භ වීමට නියමිතයි.

තම බොහෝ නිර්මාණ වලින් නවක නිෂ්පාදකයින් ක්ෂේත‍්‍රයට හ`දුන්වා දෙන සුනෙත්, තම පස්වන සිනමා නිර්මාණයෙන් නවක නිෂ්පාදකයින් දෙදෙනෙක් වන, රජන්ත ජයසිංහ සහ ඉරෝෂන ගයාන් වීරකෝන් සම නිෂ්පාදකයින් ලෙස හ`දුන්වා දෙයි.

දරුවන් තිදෙනෙක්, රොබෝවන් තිදෙනෙක් සහ මංකොල්ලකරුවන් තිදෙනෙක් වටා ගෙතුනු ‘‘3 වරක් 3’’ චිත‍්‍රපටය දරුවන්ව සිනා සාගරයේ ගිල්වන, වීරකි‍්‍රයාදාම අත්දැකීමක් ලබා දෙන චිත‍්‍රපටයක් ලෙස හ`දුන්වා දිය හැකිය.

අගොස්තු මස 11 වන දින ජාතික චිත‍්‍රපට සංස්ථාවේ පැවති උත්කර්ෂවත් මුහුරත් උළෙලකින් ආරම්භ කෙරුණු ‘‘3 වරක් 3’’ චිත‍්‍රපටයේ රූගත කිරිම්, අගෝස්තු 12 වන දින සිට සැප්තැම්බර් මුල් සතිය දක්වා කුරුණෑගල ප‍්‍රදේශයේ දි සිදු කෙරෙයි.

(infosrilankanews)

එම අවස්ථාවේ සේයා රූ කිහිපයක් පහතින්,