හින්දු පුවත්පතක්‌ සමඟ සම්මුඛ සාකච්ඡාවකට එක්‌වෙමින් ඇය මේ කරුණු ප්‍රකාශ කර තිබේ.
තස්‌ලිමා නස්‌රීන් 1994 වසරේ අන්තවාදීන්ගේ බලපෑම් හේතුවෙන් බංගලාදේශයෙන් පිටවූ අතර දැනට ඉන්දියාවේ නවදිල්ලි නුවර වාසය කරයි.
පහුගිය කාලවකවානුව තුල බංගලාදේශය තුල නිදහස් මතධාරී බුද්ධිමතුන් රැසකට අන්තවාදී ප්‍රහාරවලින් මිය යාමට සහ රට හැරයාමට සිදුවිය. තස්ලිම නස්රීන්ද ඒ අතරින් කෙනෙකි. 2013 වසරේදී එරට අදේවවාදී ලේඛකයෙක් වූ අහමඩ් රජිබ් හේදර් සහ පසුගිය පෙබරවාරි මාසයේ අවිජිත් රෝයි නම් තවත් ලේඛකයෙක් මරා දමන ලදී.
ඇය පවසන පරිදි 1980 වසරේ මැද බාගයේදී අනාගමික ව්‍යවස්ථාව අතහැර ඉස්ලාමිය ආගම රාජ්‍ය ආගමබවට පත්කිරීමෙන් පසු ඇරඹුණු ප්‍රකාශනයේ නිදහස ඇහිරී යාම වර්තමානය වනවිට තවත් වැඩිදියුණු වී ඇත.
බංගලාදේශයේ බිහිවීමේ අරමුණ වන්නේ අනාගමික එනම් හින්දු මුස්ලිම් ක්‍රිස්තියානි සහ බෞද්ධ යන සියලු ජනතාවට ජීවත්විය හැකි රටක් නිර්මාණය කිරීම බවත් 1971 දී ඒ වෙනුවෙන් මිලියන තුනක පමණ ජනතාවක් පකිස්ථාන හමුදාව විසින් මරාදැමුණු බවත් ත්සලිමා පවසයි . මේ නිසා පකිස්ථානය ආගම මූලික කරගත් රටක් බවට පත්වුවත් බංගලාදේශයට එසේවිය නොහැකි බව ඇගේ අදහසයි.
එසේම රටක නීති සකස් විය යුත්තේ සමානාත්මතාවය ආරක්ෂා කිරීමට මිස ආගමට අනුව නොවන බවත් ආගම ගැහැණිය පිඩාවට පත්කරන බව සහ ගැහැණියට සමාන අයිතිවාසිකම් හිමිවිය යුතු බවත් ඇගේ අදහසයි. එසේම මේ මොහොතේ සෑම ශිෂ්ට රටක්ම ආගම සහ රාජ්‍ය අතර තිබෙන සම්බන්ධතාවය පිළිබඳ ප්‍රශ්න කලයුතු බව ඇය වැඩිදුරටත් සඳහන් කර තිබේ.
