පසුගිය වසරේ නොවැම්බර් 19 වැනිදා බොලිවුඩයට සමගාමීව ලොවපුරා රටවල් රැසක සිනමා ශාලා 6000ක ප්‍රදර්ශනය ආරම්භ කළ මෙම චිත්‍රපටය පසුගිය සති අන්තය වන විට ඉන්දීය රුපියල් කෝටි 611ක මුදලක් උපයා ගැනීමට සමත් විය.
බොලිවුඩයේ සුපිරි ඛාන් නළුවෙකු වන අමීර් ඛාන් මෙහි ප්‍රධාන චරිතය නිරූපණය කරනු ලැබූ අතර, ඔහුගේ පෙම්වතිය ලෙස අනුෂ්කා ෂර්මා රංගනයෙන් දායක විය.
ඔවුන් දෙදෙනා සිනමා පෙම්වතුන් ලෙස පෙනී සිටි පළමු බොලිවුඩ් චිත්‍රපටයද මෙය වීම විශේෂත්වයකි.
මේ වනවිට සිරදඬුවම් ලබා සිටින සංජේ දත්ද මෙහි උප ප්‍රධාන චරිතයක් නිරූපණය කරනු ලබන අතර, බෝමන් ඉරානි, සුශාන්ත් රාජ්පුත් සිං හා සව්රබ් සුක්ලා යන පිරිසද මෙහි රංගනයෙන් දායක වී තිබේ.
