මෙම ප්‍රේම සම්බන්ධතාවය පසුගිය කාලයේ අවසන්වූ අතර එයට හේතුවුයේ දිලිනි තමාගෙන් ලක්ෂ 20ක බැංකු තැන්පතුවක් ඉල්ලා සිටි හේතුවෙන් බව ශෂිරංග විසින් මාධ්‍යයට හෙළිකොට ඇත. 

මෙම ප්‍රේම සම්බන්ධතාවය බිඳී යාමෙන් අනතුරුව දිලිනි ඒ සම්බන්ධව මාධ්‍යයට අදහස් දක්වා තිබුනේ පහත පරිදිය

නතර කරන්න හේතුව ඇහුවට කමක් නැද්ද?


මම සම්බන්ධය පටන් ගත් දා ඉඳලම මාධ්‍යයට කිසිම දෙයක් හැංගුවේ නැහැ. නොගැළපීමක් හේතු වුණා. අපි දෙන්නාගේ ම අඩු පාඩු තිබුණා ඒවා හදා ගන්න උත්සාහ කරලත් තියෙනවා. කොච්චර ආදරේ කළත් මනුස්සයෙකුට මනුස්සකම කියන දේ තියෙන්න ඕනේ. 

ඔහු කියලා තිබුණා මට දෙන්න ඔහු ළඟ ආදරේ තිබුණට සල්ලි නැති බව. අපේ සම්බන්ධය පටන් ගත්තේ ඔහු ගේ තරාතිරම සල්ලි තියෙනවද නැද්ද කියලා හොයලා නෙමෙයි. එතකොටත් ඔහු සල්ලි කාරයෙක් නෙමෙයි නේ. ඒ ආදරේ මම විශ්වාස කළ නිසයි.

නොගැළපීම් වටහා ගන්න වසර තුනක්ම ගියාද?


මනුස්සයා කියන කෙනා කොච්චර කාලයක් ආශ්‍රය කළත් වටහා ගන්න අමාරුයි. හැබැයි එක මනුස්සයෙක් කරන වැරැද්දක් නිසා අනිත් හැම කෙනා දිහාම තරහෙන් බලන්න මට ඕනේ නැහැ. මම ගොඩාක් මගේ පවුලට ආදරෙයි. අපේ පවුලට හොඳ බෑණා කෙනෙකුයි ඕනේ කරලා තිබුණේ. 

නමුත් හොඳ බෑණා කෙනෙක් වෙන්න ඔහුට තිබුණ නොහැකියාව නිසා මේ සම්බන්ධ නතර කරන්න සිදු වුණා. කෙහොමත් නොගැළපෙන විවාහයක් කරගෙන දුකකින් කෙළවර වෙනවට වැඩිය කතා බහ කරලා වෙන් වෙන එක හොඳයි.

ප්‍රේම සම්බන්ධතාවය බිඳී යාමෙන් අනතුරුව ශෂිරංග මාධ්‍යයට පලකල අදහස් බලන්න පහතින්


වසර තුනක පෙම්කතාව නිමා කළේ ඔබද ඇයද?


ඇයයි මේ තීරණය ගත්තේ, අපේ සම්බන්ධය නතර කරන්න. එයට ඇය විවිධ හේතු කියනවා. අවංකවම අදටත් මම දන්නේ නැහැ ඇය මේ සම්බන්ධය බිඳ දමන්න හේතුව.


කලා ක්ෂේත්‍රයේ ආදරයක් බිඳ වැටුණාම දෙදෙනා දෙපැත්තකට වෙලා එක එක්කෙනාට චෝදනා කර ගන්නවා නේද? ඒ ගැන මොකද හිතෙන්නේ?


එය වැරදි දෙයක්. ඒත් ඇය මට කරන චෝදනාවලට මා පිළිතුරු දිය යුතුයි. ඇගේ නිවෙසින් අපේ සම්බන්දෙට අකැමැති වුණා. මාව ප්‍රතික්ෂේප කරන කොටත් අපි දෙන්නා වෙන්වෙන්නේ නැතිව හිටියා. ඇය ආදරේදී මට වඩා කැපකිරීම් කළ අවස්ථා තිබුණා. ඒ ආදරේ නිසා. 

ඇය මාධ්‍යයට කිව්වේ ඇය ආදරේ කරන්නේ ඇගේ පියා වගේ ගතිගුණ තිබෙන කෙනෙක්ට කියලා. මං එයාට ගොඩක් ආදරෙයි. මනුස්සකම උතුරන කෙනෙක් මං කියලා එයා මාධ්‍යයට එහෙම කිව්වා. අද ඒ කටින්ම ඒ දේවල්වල අනික් පැත්තයි ඇය කියන්නේ. සමහර කාලවලදී සමහර අයට ජීවිතේ තරම් වටින කෙනෙක්, ප්‍රිය කරන කෙනෙක් නැහැ කියල කියන අයට ඒ දේවල් නැතිවුණාට පසුව මගේ ජීවිතේ එපාම කරපු මට වද දීපු මාව විනාශ කරපු නැති කරපු කෙනා එයා කියලා හඳුන්වනවා.

ඔබ සල්ලිවලට ආදරය මායිම් කළ බවටත් ඇය චෝදනා කරනවා.


එය බොරුවක්. මේ වසරේ අපි විවාහ වෙන්නයි හිටියේ. ඇය අපේ සම්බන්ධය නතර කළ විටත් මම ඇය අත්හැරියේ නැහැ. මම මාස තුනක් පුරාවට මේ දේවල් විසඳගන්න ඇයත් සමඟ කතා කළා. ඒත් ඇය පැවසුවේ ලක්ෂ විස්සක් ඇගේ ගිණුමේ තැන්පත් කරනවා නම් මාත් සමඟ විවාහ වෙන්න ඇය සූදානම් ‍බවයි. ඇය වගේ මම සල්ලි බලල ඇයට කවදාවත්ම ආදරේ කළේ නැහැ.