මේ වෙනස කරලා තියෙන්නෙ ඔස්ට්‍රියාවේ වියානා අගනුවරයි. ඒ නගරයේ තියෙන බොහොමයක් මාර්ග සංඥාවලට සමරිසි යුවළක් දැක්වෙන සංඥාවකුත් එකතු කරලා.
එරට පාර හුවමාරුවීම සඳහා බොහෝ විට මිනිස් රුවක් සහිත මාර්ග සංඥා යොදා ගැනීමයි සිරිතක්. නමුත් ඒ සිරිත මදක් වෙනස් කරලා සමලිංගික රූප සහිත මාර්ග සංඥා 120ක් වියානා නුවර පුරා පිහිටුවා තිබෙනවා.
ඒ එක්කම ඒවාට විරුද්ධ ලිංගික යුවළවල් වල රූපද එක් කර තිබෙනවා. ඔස්ට්‍රියාවේ වියානා අගනුවර සමරිසි ජනතාව වැඩිපුර සිටින ප්‍රදේශයක් ලෙස සැළකෙනවා.
මෙම අමුතු ආකාරයේ සංඥා රියදුරන්ගේ මෙන්ම පදිකයන්ගේද අවධානය දිනා ගන්නා නිසා එමඟින් මාර්ග ආරක්ෂාව වැඩි වන බවද ඔවුන්ගේ අදහසයි. ඒත් මේක අනවශ්‍ය මුදල් වියදම් කිරීමක් ලෙසත් එරට සමහර පිරිස් දකිනවා.
