මේ ටෙලි නාට්‍ය නරඹන බොහෝදෙනෙක් සුරාජ් සහ ස්වප්නාට බොහෝ සේ ඇළුම් කරනවා. ඒ ඔවුන් දෙදෙනා දක්වන ප්‍රේමණීය රංගනය හේතුවෙන්.
නමුත් ඉන්දියානු මාධ්‍ය වාර්තා කරන ආකාරයට තිරෙන් එපිට මේ දෙදෙනාගේ සම්බන්ධතාවය ටෙලි නාට්‍යයේ දැක්වෙන ප්‍රේමණීය රංගනයට වඩා හාත්පසින්ම වෙනස් එකක්. ඉන්දියා ටුඩේ සඟරාවට අනුව ස්වප්නා ටෙලි නාට්‍යයේ නිලි දීපිකා සිං රූගත කිරීමක් අතරතුර ඇති වූ සිදුවීමකදී එහි ප්‍රධාන නළුවා වන අනාස් රෂිඩ්ට පහර දීලා.
දීපිකා රූගත කිරීමක් අතරතුරදී තමන්ව අනාස් විසින් අනවශ්‍ය ලෙස ස්පර්ශ කිරීමක් පිළිබඳ තමන්ගේ සැමියා වන Diya Aur Baati Hum ටෙලි නාට්‍යයේ අධ්‍යක්ෂක රෝහිත් රාජ්ට පැහැදිලි කරමින් ඉඳලා. ඒ අවස්ථාවේ එතැනට පැමිණි අනාස් ඒ සිද්ධිය පිළිබඳ තමන්ගේ මතය කියන්න උත්සාහ කරපු අවස්ථාවේ තමයි දීපිකාගෙන් මේ කම්බුල් පහර එල්ල වෙලා තියෙන්නෙ.
මේ දෙදෙනා අතර වසරක පමණ කාලයක් සිට විවිධ අමනාපකම් පවතින බව පැවසේ.
