දිව්‍යා භාරතී
දිව්‍යා භාරතී කියන්නෙ 90 දශකය තුල අතිශයින්ම ජනප්‍රියත්වයට පත් සුරූපී නිළියක්. නමුත් හදිසියේම ඇය නවාතැන් ගෙනසිටි තට්ටු නිවාසයේ පස්වන මහලින් ඇදවැටිලා ඇය මිය යනවා. පොලීසිය පැවසුවේ එය සියදිවි නසා ගැනීමක් බවයි. නමුත් බොහෝදෙනා සැක කරන්නේ මෙම මරණයට දිව්‍යාගේ සැමියා වගකිව යුතු බවයි.
ජීහා ඛාන්
බොලිවුඩයේ නැගී එන ශිල්පිනියක් ලෙස ජනප්‍රිය පැවැති ජීහා තමන්ගේ නිවාස තුල ගෙල වැලලාගෙන මිය ගොස් සිටියදී සොයාගනු ලැබුවා. ඇය මෙලෙස මිය ගියේ 2013 වර්ෂයේදී 23 හැවිරිදි වියේදී යි. මෙය සියදිවි නසාගැනීමක් ලෙස සැළකුනත් ජීහාගේ මව අගේ පෙම්වතාට මරණය සම්බන්ධයෙන් චෝදනා එල්ල කර තිබුණි.
සිල්ක් ස්මිතා
දකුණු ඉන්දීය සිනමාවේ සරාගී නිළියක් ලෙස කලක් වැජඹුණු සිල්ක් ස්මිතාගේ සත්‍ය නම විජයලක්ශ්මි වේ. නමුත් ඇය 1996 වසරේදී සියදිවි නසාගන්නවා. එයට හේතුව විදියට සඳහන් වෙන්නෙ බිමත් කම, පෙම් සබඳතා බිඳ වැටීම සහ මුදල් හිඟ කමයි.
කුනාල් සිං
කෙටි කාලයකින් ඉතා ජනප්‍රියත්වයට පත් වූ කුනාල් ඔහුගේ නිවාස තුලම ගෙල වැලලාගෙන මිය ගොස් සිටියදී සොයාගන්නවා. නමුත් ඔහුගේ පියා මෙය සියදිවි නසාගැනීමක් නොවන බව ප්‍රකාශ කර තිබුණි.
ප්‍රවීන් බාබි
Time සඟරාවේ කවරය සැරසීමට වාසනාව ලැබූ පළමු ඉන්දීය නිළිය වන්නේ ප්‍රවීන් බාබියි. ඇය ඇගේ නිවස තුල මිය ගොස් සිටියදී සොයාගනු ලැබුවා. මරණ පරීක්ෂණයේදී අනාවරණය උනේ ඇය ආහාර නොමැති කමින් මිය ගොස් ඇති බවයි.
විවේකා බාබාජි
විවේකා ඉන්දියාවේ නිරූපණ ක්ෂේත්‍රයේ ඉහලින්ම වැජඹුණු ශිල්පිනියක්. නමුත් ඇය නිවසේ විදුලි පංකාවේ එල්ලී මියගොස් සිටියදී සොයාගනු ලබනවා.
නෆීසා ජෝශප්
ඇය මරණය වැළඳගන්නේ තම පෙම්වතා කලින් විවාහ වූ පුදගලයෙක් බව දැනගැනීමෙන් පසුවයි.
කුල්ජීත් රන්ධවා
නිරූපණ ක්ෂේත්‍රයෙන් රංගනය පිවිසුණු කුල්ජිත් සිය නිවසේදී මියගොස් සිටියදී සොයාගනු ලබන්නේ මරණය හේතු ඇතුලත් ලියමනකුත් සමඟයි.
මන්මෝහන් දේසායි
Amar Akbar Anthony, Coolie සහ Dharam Veer වැනි චිත්‍රපටි රැසක අධ්‍යක්ෂකවරයෙක් ලෙස වැඩකටයුතු කල පුද්ගලයෙක්. ඔහු මිය යන්නෙ තමන්ගේ නිවසේ සදළුතලයෙන් බිමට පැනීමෙන්. මේ මරණයට හේතු වශයෙන් ඔහුගේ සමීපතමයින් සඳහන් කරන්නෙ ඔහු තමන්ගේ වෘත්තිය පිළිබඳ නොසතුටින් සිටි බවයි.
ගුරු දත්
චිත්‍රපට අධ්‍යක්ෂකවරයෙක්, නළුවෙක් සහ නිෂ්පාදකයෙක් වූ ගුරු දත් මිය ගියේ අධික නිදි පෙති පානය කිරීම නිසා බවයි අනාවරණය උනේ.
