මුලින්ම එම කාසි දුටු අවස්ථාවේ ඔවුන් විශ්වාස කර ඇත්තේ ඒවා සෙල්ලම් බඩු තොගයක් බවයි. කාසි කිහිපයක් රැගෙන පරීක්ෂා කිරීමේදී ඒවා ඉතා වටිනා රන් කාසි බව අනාවරණය වීමෙන් පසු එම ස්ථානයට පැමිණි විශේෂඥයන් විසින් විවිධ වටිනාකම් වලින් යුත් රත්‍රන් කාසි 2000 ගොඩ ගෙන තිබේ.
ඊශ්‍රායල පුරා වස්තු අධිකාරියේ මුහුදු පුරාවස්තු බාර අධ්‍යක්ෂ කොබි ශර්විට් (Kobi Sharvit)පැවසුවේ මෙම රන් කාසි වල සුල මුල සොයා ගැනීම පිණිස කැනීම් සිදු කිරීමට බලාපොරොත්තු වන බවයි.
ඔවුන්ගේ විශ්වාසය වන්නේ අතීතයේදී බදු මුදල් වශයෙන් රන් කාසි රැගෙන ආ බෝට්ටුවක් ඊජිප්තුව බලා යමින් තිබියදී අනතුරට පත්වන්නට ඇති බවයි. වසර 909 සිට 1171 දක්වා මැද පෙරදිග සහ උතුරු ඇමරිකාව පාලන කළ පැටිමිඩ් රාජ වංශය විසින් ඒවා පරිහරණය කර ඇති බව හා පැටිමිඩ් යුද හමුදා භට කණ්ඩායම්වල වේතන ගෙවීම සඳහා එම රන් කාසි ගෙන යන්නට ඇති බව විශ්වාස කෙරේ. මිට අමතරව මධ්‍යධරනී මුහුදු වරාය සහ වෙරළාසන්න නගරවල වෙළෙඳාමේ නිරත විශාල නෞකාවක එම රන් කාසි තිබිය හැකි බවට ඔවුන් මත පළ කරයි.
එම රත්‍රන් කාසි තොගයේ බර කිලෝ ග්‍රෑම් 9 ක් වන අතර ඊශ්‍රායල පුරා වස්තු අධිකාරිය විසින් එම රන් කාසි වල වටිනාකම දක්වා නැත.
