තමන් අග‍්‍රාමාත්‍ය පදවියට පත්වීමෙන් පසු 'හිරු ටී.වී' වෙත සම්මුඛ සාකච්ඡාවක් ලබාදීම සම්බන්ධයෙන් 'සිරස ටී.වී' ආයතනය දක්වා ඇති මතවාදයන් සම්බන්ධයෙන් කතානායකවරයාගේ අවධානය යොමුකරමින් අග‍්‍රාමාත්‍ය රනිල් වික‍්‍රමසිංහ මහතා අද(04) පාර්ලිමේන්තුවේදී ප‍්‍රකාශයක් කළේය.

කළුතර දිස්ත්‍රික්කයේ පාලින්ද නුවර ප්‍රාදේශීය සභා සීමාවේ පවතින 'අත්වැල් තොට දිය ඇල්ල' හරස් කරමින් පෞද්ගලික ජල විදුලි බලාගාරයක් ඉදිකිරීමට විරුද්ධවූ එම ගම්වාසීන්ට ධම්මික රණතුංග හා ඔහුගේ මැර කණ්ඩායකම් විසින් තර්ජනය කර ඇති බවට අප විසින් 'පරිසර අධිකාරිය, රණතුංගලාට අත්වැල්තොට ඇල්ල වසා දමන්න අවසර දෙයි' සිරස්තලය යටතේ පළ කළ පුවත අසත්‍ය බව ධම්මික රණතුංග මහතා අප වෙත ලිපියක් යොමු කරමින් පවසයි.

හිටපු අමාත්‍ය විමල් වීරවංශ මහතාට එරෙහිව අල්ලස් කොමිසමට අද(04) දිනයේ පැමිණිල්ලක් ඉදිරිපත් කරන බව පාර්ලිමේන්තු මන්ත්‍රී බුද්ධික පතිරණ මහතා පවසයි.

යහපාලනය උදෙසා වන යාන්ත‍්‍රණය රට තුළ ශක්තිමත් කරගැනීමට දුන් පොරොන්දු ඉටුකිරීමට නියමිතවේලාවට මැතිවරණයක් පැවැත්වීම වැදගත්ම හා අත්‍යවශ්‍ය පියවරක් වන බවත් එසේ නොවුනහොත් පාරට බැසීමට සූදානම් බව එජාප මහලේකම් කබීර් හෂීම් මහතා පවසයි.ඔහු මේ බව පැවසූවේ අද(04) පැවති මාධ්‍ය හමුවක් අමතමිනි.

උතුරු පළාත තුළ යළි කළබලකාරී වාතාවරණයක් ඇති කිරීමටත් දෙමළ ජනතා සන්ධානය මෙරට ජාතික දේශපාලනය හා බද්ධවීම වලක්වා ගැනීමටත් විශාල කුමන්ත්‍රණයක් මේවන විට දියත් වෙමින් තිබෙන බව වාර්තාවේ.

හිටපු වරාය හා මහ මාර්ග අමාත්‍ය රෝහිත අබේගුණවර්ධන මහතාගෙන් අල්ලස් හෝ දූෂණ විමර්ශන කොමිසම මේවන විට ප්‍රශ්න කරමින් සිටියි.

වර්ෂ 2012 නොවැම්බර් මස 09 වන දින වැලිකඩ බන්ධනාගාරයේ රදවා සිටි රැදවියන් 27 දෙනෙකු රජයේ ආරක්ෂක අංශ විසින් අමානුෂික ආකාරයෙන් ඝාතනය කරන ආකාරය සියැසින් දුටු සාක්ෂිකරුවකු වූ සුදේශ් නන්දිමාල් ද සිල්වා විසින් පසුගිය කාලය පුරා ගෝ රයිට් මානව හිමිකම් සංවිධානය සමග එක්ව වරදකරුවන් අත්අඩංගුවට ගෙන අපරාධ නීතිය ක්‍රියාත්මක කරන්න යැයි ඉල්ලා සිටිනු ලැබීය. තමන් දුටු මිනීමැරුම් සම්බන්ධයෙන් කොළඹ අපරාධ පරීක්ෂණ දෙපාර්ථමේන්තුවට පැමිණිල්ලක් ඉදිරිපත් කළ ඔහු වහාම අපරාධකරුවන් අත්අඩංගුවට ගන්න යැයි ඉල්ලා සිටිනු ලැබීය.

හිටපු ජානාධිපති පුත් නාවික හමුදාවේ ලුතිනන් යෝෂිත රාජපක්ෂ මහතාව අද (04) කොළඹ අපරාධ කොට්ඨාසයට කැඳවා ඇතැයි වාර්තා වේ.