නමුත් අපි හැමෝගෙම අඩුවැඩි වශයෙන් මුහුණේ රෝම තියෙනවා. සමහරුන්ගේ ශරීරයේ ඇතිවෙන විවිධ වෙනස්කම් හේතුවෙන් මුහුණේ රෝම වැඩිපුර ඇතිවෙනවා වගේම අඩුවෙනුත් ඇතිවෙනවා. ඒකට ගැහැණු පිරිමි බේදයක් නෑ.

හර්නම් කවුර් කියන්නෙ විශේෂ රෝගී තත්ත්වයක් හේතුවෙන් මුහුණේ, පපුවේ අත්වල  රෝම වැවීම වැඩිපුර සිදුවෙන තරුණියක්. ඉන්දියානු සම්බවයක් සහිත මේ බ්‍රිතාන්‍ය තරුණිය වයස අවුරුදු 16 සිට මෙම තත්ත්වයට මුහුණ දෙමින් සිටිනවා.

මේ තත්ත්වය හේතුවෙන් ඇය විශාල මානසික පීඩනයකට ගොදුරැ වීම හේතුවෙන් දිවිනසා ගැනීමට පවා උත්සාහ කර තිබෙනවා. නමුත් ඇය  පසුව මේ අභියෝගයට අභියෝග කිරීමට පටන් ගන්නවා.

ලෝකයේ කාන්තාවකගේ ලස්සන, ශරීරිය පිළිබඳ තිබෙන ආකල්පවලට අභියෝග කරන ඇය තමන්ව 'The Bearded Dame' එහෙම නැත්තම් රැවුල් ගැහැණිය ලෙස හඳුන්වා ගන්නවා.

මේ තරුණියගේ ධෛර්ය පිලිබඳ පැහැදෙන ඡායාරූප ශිල්පිනි ලුයිසා කලත්රස්ට් ඇයව හරි අපූරු වැඩකට යොදාගන්නවා. ලුයිසා තමන්ගෙ Urban Bridesmaid කියන වෙබ් අඩවියේ සඳහා හර්නම් කවුර් මනමාලියක් ලෙස සරසවා ඡායාරූප එකතුවක් නිර්මාණය කරනවා.

තමන්ගේ මුහුණ පුරා වැඩුණු රැවුලත් සමඟ මේ ඡායාරූප සඳහා පෙනී සිටින කවුර් තමන්ගෙ රූපය පිළිබඳ වදවෙන වගේම ඒ පිළිබඳ නොසතුටින් සිටින හැමෝටම ආදර්ශයක්.