ක්රිස් වෘත්තියෙන් නිදහස්‌ කලාකරුවෙකි. චිත‍්‍රපට, ටෙලිනාට්‍ය සහ වෙළෙඳ ප‍්‍රචාරක වැඩසටහන්වල සහාය අධ්‍යක්‍ෂවරයකුද, වෘත්තීය වාණිජ හා කලා ඡායාරූප ශිල්පියකුද, වාර්තා චිත‍්‍රපට අධ්‍යක්‍ෂවරයකුද ලෙස ඔහු කටයුතු කරයි.
දින දහයක සහ පැය හතරක කාලයක්‌ තුළ එනම් පැය 244 කදී චිත්රපටයක් කර මේ වනවිට ගිනස්‌ වාර්තාවක් තබා තිබෙන්නේ නැම්බියානු ජාතිකයෙකි. ඔහුගේ වාර්තාව ශ්රී ලාංකිකයකු විසින් බිඳ දමමින් පැය 71 කුත් විනාඩි දහනවයක්‌ තුළ චිත්රපටයක් නිර්මාණය කර ඇතත් මෙතෙක්‌ ඊට ගිනස්‌ සහතිකය ලැබී නැත.
ක්රිස් ඇන්තනි පැය 65 ක් තුළදී සම්පූර්ණයෙන්ම චිත්රපටයක් නිමවා තිරගත කිරීම කරන්නේ ඉහත වාර්තා දෙකම බිඳ දමා තිබේ.
බාඳුරා චිත්‍රපටය සඳහා මල්කාන්ති ජයසිංහ, දර්ශන් ධර්මරාඡ්, තක්‌ෂිලා රූපසිංහ, හෂාන් ෆොන්සේකා, සුරංග ගාල්ලගේ, ප‍්‍රදීප් කුමාර්, සමීර දිල්හාන් රංගනයෙන් දායක වී ඇත. කැමරාකරණයෙන් චමිත් අලහකෝන්, සහය අධ්‍යක්‍ෂණය ලලිත් වරුණ රාජපක්‍ෂ, කලා අධ්‍යක්‍ෂණය මනස්‌ටිනා ප‍්‍රනාන්දු, ඇඳුම් නිර්මාණය, නිරෝමි ආරුමුගම්, නිෂ්පාදන කළමනාකරු ප‍්‍රසාද් ඇන්ටනි, වේෂ නිරූපණය, වී. ජී. රුචිර සංජීව, සංස්‌කරණය ශාන් අල්විස්‌, සංගීතය රෙක්‌ස්‌ රමේෂ් කුමාර සහාය වී ඇත.
චිත්‍රපටය සඳහා ඇමරිකාවේ වයර්ලස්‌ ෂොප් ආයතනය මූල්‍ය අනුග‍්‍රහය දක්‌වයි.
අපචාරවලින් දරුවන් බේරා ගැනීම සඳහා දෙමව්පියන් දැනුවත් කිරීම මේ චිත්‍රපටයේ අරමුණ බවයි අධ්‍යක්ෂකවරයා පවසා ඇත්තේ.
