මේ කියන්න හදන්නෙ ඒ සත්වෝද්‍යානය ගැන නම් නෙමේ. ලංකාවේ ප්‍රථම සතුන් බලාගන්නිය ගැනයි. ඒ තමයි උදාරි හෙට්ටිආරච්චි. උදාරි තවමත් වයස 28ක් සම්පුර්න කළ තරුණියක්. නමුත් ඇයට පැවරිලා තියෙන රාජකාරියනම් සුළුපටු එකක් නෙමේ. ඇය සේවය කරන්නෙ පින්නවල අලුතින්ම පිහිටවූ එළිමහන් සත්ව උද්‍යානය තුලයි.
උදාරිගෙ පාසල මීගමුව ආවේ මරියා කන්‍යාරාමය. උසස් පෙළින් පස්සෙ වැඩිදුර අධ්‍යපනය සඳහා නයිවල පිහිටි උසස් අධ්‍යාපන ආයතන වෙත ගිය උදාරි වසර තුනක පුහුණුවකින් පස්සෙ කෘෂිකර්ම උපදේශක තනතුරකට පත්වෙනවා. එහෙම සේවය කරමින් ඉන්න අතරෙ ඇය ගිරිතලේ වනජීවී මධ්‍යස්‌ථානයේ පුහුණුවක් සඳහා යොමු වෙනවා.
ඒ පුහුණුවෙන් පස්සෙ ජාතික සත්වෝද්‍යානය මගින් පවත්වන විභාගයකින් සමත්වන ඇය 2014 වසරේ පෙබරවාරි මාසයේ සිට පින්නවල අලි අනාථාගාරයේ සේවය සඳහා පත්වෙලා. පසුගියදා පින්නවල නව එළිමහන් සත්වෝද්‍යානය ඇරඹීමත් සමඟ එහි සතුන් රැක බලාගන්නෙක් ලෙස උදාරිව පත්කෙරෙනවා.
ඇය තමන් දරන විශේෂ තනතුර පිළිබඳ දරන්නේ මෙවැනි අදහසක්. "මම පොඩිකාලේ ඉඳලම සත්තුන්ට ගොඩක් ආදරෙයි. ඒකනිසා තමයි මට මේ තත්ත්වෙට එන්න පුළුවන් උනේ. සත්තු කූඩු කරලා තියෙනවට වඩා මේ වගේ එළිමහන් ප්‍රදේශයක ඉන්නකොට බලාගන්න එක ලොකු වගකීමක්. මම මගේ වගකීම උපරිමයෙන් ඉටුකිරීමට බැඳී සිටිනවා. "
සිලෝන් ටුඩේ ඇසුරිණි
