මීට කලින් රෝහලේ ලින්ඩෝ අංශය අවට රථවාහන නවතා තැබීම තහනම් කර තිබුණේ ඊයේ වනතුරුය. එහෙත් නව ලොව එළිය දකින රාජකීය බිලින්දාගේ පැමිණීම තවදුරටත් ප්‍රමාද වන හෙයින් එම තහනම මැයි 5 දා තෙක් දීර්ඝ කරන අතර ඒ වන විටත් රාජකීය බිලින්දාගේ උපත සිදු නොවී නම් තවදුරටත් එය දීර්ඝ කරන බව බලධාරීහු සඳහන් කරති.
කේට් මිඩ්ල්ටන් කුමරිය පසුගියදා තම වාහනය පදවමින් පෞද්ගලික සාප්පු සවාරියේ යෙදෙන ඡායාරූප කිහිපයක් අන්තර්ජාලය තුල අතිශය ජනප්‍රිය විය.
පෙරේදා දිනය 33 හැවිරිදි කුමරියගේ හා විලියම් කුමරුගේ සිවු වැනි විවාහ සංවත්සරය වූයෙන් ඔවුන් නිහඬවම එය සමරා තිබිණ.
මේ අතර අලුත් රාජකීයාගේ පැමිණීම අපේක්ෂාවෙන් රාජකීය ලෝලීන් නොඉවසිල්ලෙන් පසුවන අතර ඇතැමෙකු දැන් මසක පමණ කාලයක සිට ඒ අපේක්ෂාවෙන් කල් ගෙවන බව පැවැසේ.
