යුධ අපරාධ චෝදනා සම්බන්ධයෙන් එක්සත් ජාතීන්ගේ මානව හිමිකම් කොමිසමෙන් එල්ල වී ඇති චෝද්නා විභාග කළ යුතු බවට විදේශ ඇමැතිවරයාත් අගමැති රනිල් වික්‍රමසිංහ මහතාත් ස්ථාවරයක සිටීම නිසා රාජපක්ෂවරුන් කෙරෙහි හා හමුදාවේ ඉහළ නිළයන් ගණනාවකට එරෙහිව නීතිය ක්‍රියාත්මක කිරීමට සිදුවීම හේතුවෙන් ඒකාබද්ධ විපක්ෂයේ බුද්ධි මණ්ඩලය නියෝජනය කරන පිරිස් ජනධිපතිවරයාගේ පාර්ශවය හා සකච්ඡා කොට ඇත්තේ ජිනීවා යොජනා ක්‍රියාත්මක වුවහොත් රටේ බර පතල කැළැඹීමක් සිදු විය හැකි බැවින් එම චෝදනාවල බරපතල බාවය අවම කර දේශීය අධිකරණ පද්ධතිය උපයෝගී කරගෙන මේ චෝදනා විභාග කළ යුතු බවය.
එමඟින් සියලු තත්වයන් සමනය කර ගත හැකි බවත් ඔවුන් අවධාරණය කර තිබේ.
එක්සත් ජාතීන් යෝජනා කරන විදේශ විනිසුරුවරුන්ගේ සහභාගීත්වය ඇති හයිබ්‍රීඩ් අධිකරණ ක්‍රියාවලිය ප්‍රතික්ෂේප කළ යුතු බව ඔවුන් පෙන්වා දී ඇත. කෙසේ වූවත් ජනාධිපති මෛත්‍රීපාල සිරිසේන මහතා පසුගියදා බීබීසී පුවත්සේවය හා අල් ජසීරා පුවත් සෙවය සමගින් පැවැත්වූ සම්මුඛ සාකච්ඡා වලදී අවධාරණය කළේ විදේශීය සහභාගිත්වය ට තමා ඉඩ නොතබන බවය. මෙය මහින්දවාදී විපක්ෂයේද ස්ථාවරය වේ.
එහෙත් ඒ සඳහා විශාලම බාදකය වී තිබෙන විදේශ ඇමැති මංගල සමරවීර මහතා ඉන් ඉවත් කර ශ්‍රි ලනිපය නියෝජනය කරන මහින්ද සමරසිංහ මහතා හෝ වෙනත් අයකු ලබන මාර්තුමස ජිනිවා සසිවාරයට පෙර පත් කල යුතු බව එකාබද්ධ විපක්ෂය යෝජනා කර තිබේ.
එහි අවසන් අභිප්‍රාය රටේ ස්වාධීනත්වය රැකීම නොව යුධ අපරාධ කරුවන් රැක ගැනීම බව මේ සම්බන්ධයෙන් උනන්දුව දක්වන සියලුම දෙනාට වටහා ගත හැකිය.
