ඔහු මේ බව පවසා සිටියේ අද (01) කොළඹ විහාර මහා දේවී උද්‍යානයේ පැවැති මාධ්‍ය හමුවකට සහභාගි වෙමිනි.
මෙම අවස්ථාව සඳහා පරිසරවේදී රවීන්ද්‍ර කාරියවසම් සහ නිතීඥ නුවන් බෝපගේ මහතාද සහභාගි විය.
එහිදි අදහස් දවමින් ඔවුන් පෙන්වා දුන්නේ 2007 වර්ෂයේ යාපනයට පැමිණි එම්.ටී.ඞී. වෝකර්ස් සමාගම මෙගා වොට් 24 ක ධාරිතාවකින් යුක්ත දැවිතෙල් විදුලි බලාගාරයක් ස්ථාපනය කරන අතර එම ජනන පද්ධතිය 2009 වර්ෂයේ දී විවෘත කර තිබේ.
මේ සඳහා කිසිදු පරිසර තක්සේරු වර්තාවක් හෝ කර නොමැති අතර වසර 2011 දි මධ්‍යම පරිසර අධිකාරිය මගින් ලිපියක් යොමු කරමින් විමසා ඇත්තේ උතුරු පුද්ගලික විදුලි සමාගමේ විදුලි ජනන බලාගාරය ඉදිකිරීම සඳහා පරිසර තක්සේරු වාර්තාවක් සිදුකර තිබේද යන්නයි.
මෙමගින් මේ සම්බන්ධයෙන් නිසි පරිසර තක්සේරු වාර්තාවක් සිදුකර නොමැති බව පැහැදිලි වේ.
යාපනය අර්ධ-දිවයිනට මෙන්ම ආශ‍්‍රිත කලාපයම දැන් ද ජල හිඟයක වෙළී පැටළී සිටින පසුබිමක මෙම තත්ත්වය බරපතළ බව අදහස් දක්වමින් පරිසරවේදි රවීන්ද්‍ර කාරිවසම් මහතා පෙන්වා දුන්නේය.
කෙසේවෙතත් මේ සම්බන්ධයෙන් අදහස් දක්වමින් නීතිඥ බෝපගේ මහතා පෙන්වා දුන්නේ මේ සඳහා විදිමත් පරිසර තක්සෙරු වාර්තාවක් හෝ සිදුකළේ නම් පවුල් 17000ක් පමණ මෙලෙස දැඩි පාරිසරික අවදානමකට පත් නොවන බවයි.
ඒ හේතුවෙන් මුලික අයිතිවාසිකම් කඩවීම හේතුකොට ගෙන තමන් අධිකරණ ක්‍රියා මාර්ග ගැනීමට ක්‍රියා කරන බව ඔහු පෙන්වා දුන්නේය.
