පසුගිය ඉරිදා තලේබාන් සංවිධානයෙන් බිඳී ගිය කණ්ඩායමක් ක්‍රිස්තියානි පල්ලි දෙකකට එල්ල කළ ප්‍රහාරයට විරෝධය පෑම සඳහා පැවැත් වූ මේ උද්ඝෝෂණවලදී 17 දෙනෙකු පමණ මියගොස් ඇති බව වාර්තා වේ.
පාකිස්තාන ක්‍රිස්තියානි ප්‍රජාව එරට ජනගහනයෙන් 2% ක් පමණ වන අතර ඔවුන්ගෙන් බහුතරය අන්ත දූගී තත්ත්වයේ පසුවේ.
ලාහෝරය තදාසන්න යොහානාබාද්හි ටයර් පුළුස්සමින් වාහනවලට ගල් මුල් වලින් ප්‍රහාර එල්ල කරමින් මාර්ග හරස්කිරීමට ඔවුන් පෙළඹී තිබුණු අතර නීතිය අතට ගැනීමෙන් වළකින ලෙස පාකිස්තාන අභ්‍යන්තර කටයුතු ඇමැති චෞද්‍රි නිසාර් අලි ඛාන් වි‍රෝධතාකරුවන්ගෙන් ඉල්ලා තිබිණ.
