බර්මියුඩාවට යාමෙන් පසු එහි සිට පෝටෝ රිකෝවටත් යළි ඇමරිකාවටත් ගමන් කිරීම ඔහුගේ ඉලක්කය වූ අතර බලූචිගේ වෙබ් අඩවියේ දක්වා ඇත්තේ ළමුන් සඳහා පිහිටවීමට සහ යහපත් අනාගතයක් උදෙසා වන බලාපොරොත්තු අහිමිවූවන්ගේ ධෛර්යය ඉහළ නැංවීම සඳහා මෙම උත්සහය දරන බවය.
ඔහු මුහුදේ ඇවිද යාමට තැත්කළ දුර කිලෝමීටර් 1660කි.
මෙම ගමන සඳහා ඔහු ඇලූමිනියම් රාමුවකින් යුක්ත විශේෂ පාවෙන ගෝලයක් නිර්මාණය කර ඇත.
එය මිලිමීටර් 3ක් ඝන ප්ලාස්ටික් වලින් ඉදිකර තිබේ.
රාත‍්‍රියට වැල් ඇඳක නිදාගැනීමටත් ප්‍රෝටීන් බාර් සහ අල්ලාගත හැකි මත්ස්‍යයින් ආහාරයට ගැනීමටත් බලූචි විසින් සැලසුම් කර තිබූ බව පැවසේ.
සිය පාවෙන රථය 2013දී පරීක්‍ෂා කළ අවස්ථාවේ රීසා බලූචි කිලෝමීටර 53ක් ඇවිද ගිය අතර එයින් ඔහුගේ ශරීරයේ බර කිලෝග‍්‍රෑම් 6.8ක් පහත වැටී ඇති බව පැවසේ.
ගමන ආරම්භ කිරීමෙන් දින කිහිපයකට පසු වෙරළාරක්‍ෂකයින්ට ඔහුගේ පාවෙන බුබුළ නිරීක්‍ෂණය වී ඇති අතර ඒ අවස්ථාවේදී ඔහු විඩාවට පත්ව සිට ඇති මුත් ගමන අතහැරීමට සූදානම් වී නොමැත. ඉන් දෙදිනකට පසු බලූචි විසින් ස්ථානීය බීකනය ක‍්‍රියාත්මක කිරීමෙන් පසු වෙරළාරක්‍ෂක නිලධාරීන් ඔහු ගලවා ගෙන රෝහල්ගත කර තිබේ.
