කොමියුනිස්ට් පක්ෂය බලයට පැමිණ වසර හැටපහක් ගත වීම සනිටුහන් කරමින් චීන ජාතික ගීය වාදනය කරන අවස්ථාවේ උද්ඝෝෂකයෝ ඒ දෙසට ශරීරයේ පසු පස හරවා හූ හඬ නැගූහ.
ලක්ෂ සංඛ්‍යාත විරෝධතාකරුවෝ පසුගිය සෙනසුරාදා සිට හොං කොං දූපතේ මධ්‍යම ප්‍රදේශයේ සහ ප්‍රධාන මංසන්දි වල රැඳී සිටිති.
සංචාරකයන් අතර ප්‍රසිද්ධ වෙළඳ දිස්ත්‍රික්කය දක්වාද විරෝධතා රැලි පැතිරෙමින් තිබේ.
දෙදහස් දාහත වසරේ පැවැත්වෙන පළමු සෘජු මැතිවරණය සඳහා බීජිං හිතවාදී ඡන්ද අපේක්ෂකයන්ට පමණක් ඉදිරිපත් වීමට ඉඩ ලබා දෙන දේශපාලන නීතිය පිළිගන්නා මෙන් හොං කොං දූපතේ ප්‍රධාන විධායක සී වයි ලියුන්ග් උද්ඝෝෂකයන්ට බල කර සිටියි.
(බිබිසි)
