1969 සැප්තැම්බර් 8 වැනි දින ඊසානදිග මෂාඩ් නගරයේ උපත ලබා ඇති මොජ්ටාබා කමේනි දරුවන් හය දෙනාගෙන් දෙවැන්නා වේ.

ඔහු ටෙහෙරානයේ ආගමික අලවි පාසලෙන් ද්විතීය අධ්‍යාපනය ලබා ඇතැයිද සඳහන්.

ඉරාන මාධ්‍ය වාර්තා හී සඳහන්ව ඇත්තේ අවුරුදු 17දී ඔහු ඉරාන - ඉරාක යුද්ධය අතරතුර කෙටි කාලයක් එරට යුද හමුදාවේද සේවය කර ඇති බවය.

එමෙන්ම 1999 දී සිය ආගමික අධ්‍යනය කටයුතු සිදුකරගෙන යාම සඳහා ෂියා දේවධර්මයේ වැදගත් මධ්‍යස්ථානයක් ලෙස සැලකෙන ශුද්ධ නගරයක් වන කොම් වෙත ගොස් ඇති බවත් සඳහන් වේ.

තවද විදෙස් මාධ්‍ය වාර්තා සඳහන් කර ඇත්තේ මොජ්තබා කමේනි නිහඬ චරිතයක් බවත් ඔහු කිසි දිනක රජයේ තනතුරු දරා නොමැති බවත්ය.

එමෙන්ම ඔහු ප්‍රසිද්ධ කථා හෝ සම්මුඛ සාකච්ඡා ලබා දී නොමැති බවත් ඔහුගේ ඡයාරූප සහ වීඩියෝද සීමිත සංඛ්‍යාවක් ප්‍රකාශයට පත් වී ඇතැයිද සඳහන්.

කෙසේ නමුත් වසර ගණනාවක් පුරා ඉරානය තුළ තිරය පිටුපස ඔහු සැලකිය යුතු බලපෑමක් සිදුකර ඇතැයිද කටකතා පැතිර ගිය ගොස් තිබුණි.

පසුගිය 28 වැනි දින ඊශ්‍රායල - අමෙරිකා ප්‍රහාරයකින් ඔහුගේ පියා වන ඉරාන ආධ්‍යාත්මික නායක අයතුල්ල අලි කමේනි ඝාතනය කෙරිණි.

එම ප්‍රහාරයෙන් අලි කමේනි පමණක් නොව ඔහුගේ බිරිඳ, දියණිය, බෑණා සහ මුනුපුරාද ඝාතනය වී ඇති බව ඉරාන මාධ්‍ය පසුව වාර්තා කළේය.

ඒ අනුව දශක තුනකට අධික කාලයක් ඉරානය පාලනය කළ අයතුල්ලා අලි කමේනිගෙන් පසු ඔහුගේ පුතා වන මොජ්ටාබා කමේනි මින් ඉදිරියට ඉරානය පාලනය කරනු ඇතැයිද සඳහන් වේ.