පිටුවහල්ව තුර්කියේ ජීවත්වන සිරියානු ජාතික සන්ධානයේ කමාල් අල් ලබ්වානි පවසා ඇත්තේ බෂාර් අසාද් පාලනයට එරෙහිව සටන් වදින කිසිවෙකු ඊශ්රායලයේ මානුෂීය සහයෝගය කිසිදා අමතක නොකරනු ඇති බවයි.
සිරියානු කැරලිකරුවන් ඊශ්රායලය සිය මිතුරෙකු ලෙස සලකන බවද ඔහු පවසා තිබේ.
ඊශ්රායලයේ සංචාරයක නිරතවන ලබ්වානි මීළගට ඊශ්රායල නිලධාරීන් හමුවීමට නියමිතව ඇතැයි වාර්තා වේ.
ටෙල් අවිව් රෙජිමය විසින් අවස්ථා ගණනාවකදී සිරියානු රාජ්ය විරෝධී කණ්ඩායම් සඳහා සහය පළ කර ඇති අතර මෙම වසර තුළ අවස්ථා 3කදී සිරියානු හමුදා වෙත ගුවන් ප්රහාර එල්ල කර තිබේ.
පෙබරවාරි මසදී තවත් සිරියානු කැරලි නායකයකු වන මුහම්මද් බාදී විසින් පෙබරවාරි 18වනදා ගෝලාන් කඳුකර ප්රදේශයේ රෝහලක් නැරඹීමට යාම සම්බන්ධයෙන් ඊශ්රායල අගමැති බෙන්ජමින් නෙතන්යාහුට ස්තූති කරනු ලැබීය.
පසුගිය මාස කිහිපය තුළ සටන්කාමීන් ඇතුළු සිරියානුවන් 700කට ප්රතිචාර කළ ගෝලාන් කඳුකර ප්රදේශයේ පිහිටා ඇති රහසිගත ඊශ්රායල ක්ෂෙත්ර රෝහලක් පිළිබඳ ඊශ්රායල මාධ්ය විසින්ද කරුණු අනාවරණය කරන ලදී.
සටන්කාමීන් වෙතින් ඊශ්රායල නිෂ්පාදිත අවි විශාල ප්රමාණයක් අල්ලා ගත් බව සිරියානු හමුදා විසින් පවසා තිබේ.
(ලංකාසීනිවුස්)
