සිවිල් යුද ගැටුම් මේ වන විට අවසන් වී ඇති බවත්, අසල්වැසි රටවලට හෝ බටහිර රටවලට සිරියාවෙන් කිසිදු තර්ජනයක් නැති බවත් සන්නද්ධ කණ්ඩායමේ නායකයා ප්‍රකාශ කළ බව විදෙස් මාධ්‍ය වැඩිදුරටත් වාර්තා කළේය.
දමස්කස් නුවරදී බීබීසී පුවත් සේවය සමඟ පැවැති සම්මුඛ සාකච්ඡාවකදී ඔහු මේ බව ප්‍රකාශ කර ඇති අතර, සිරියාවට එරෙහිව පනවා ඇති සම්බාධක ඉවත් කරන ලෙස බටහිර රටවලින් ඉල්ලීමක් කර ඇතැයි ද වාර්තා වේ.
බටහිර රටවල් විසින් සම්බාධක පනවනු ලැබුවේ පැවැති රජයට බැවින් එම සම්බාධක ඉවත් කළ යුතුව ඇතැයි ඔහු සඳහන් කර ඇති අතර, පීඩකයාට සහ වින්දිතයාට එක හා සමානව නොසැලකිය යුතු බව ද සඳහන් කර ඇතැයි විදෙස් මාධ්‍ය වාර්තා කළේය.
