ඒ මෙම සමුළුව පැවැත්වෙන්නේ ජනාධිපති බයිඩන් ගේ ජනාධිපතිවරණ අපේක්ෂකත්වය සම්බන්ධයෙන් මතභේදයක් උද්ගතව ඇති පසුබිමක වීම හේතුවෙනි.
ජනපති බයිඩන් විශ්වාස කළේ එය ජනාධිපති අපේක්ෂකත්වය සඳහා තමන් සුදුසු බවට අනෙකුත් රාජ්‍ය නායකයින් හමුවේ ඔප්පු කර පෙන්වීමට අවස්ථාවක් ලෙසට ය.
කෙසේ වුවත් නේටෝ හමුවක් අතරතුරදී ජනපති බයිඩන්, යුක්‍රේන ජනාධිපති සෙලෙන්ස්කි ගේ නම පුටින් ලෙස පවසා ඇත.
ඉන් පැය කිහිපයකට පසුව, ජනාධිපති බයිඩන් ගේ ජනාධිපති අපේක්ෂකත්වය කේන්ද්‍ර කරගනිමින් පැවති මාධ්‍ය හමුවකදීත් ජනපති බයිඩන් ට එවැනිම වචන පටලැවිල්ලක් සිදුව තිබේ.
ඒ උප ජනාධිපති ට්‍රම්ප් යනුවෙන් පැවසීමය.
මෙය ජනපති බයිඩන් ගේ ජනාධිපතිවරණ අපේක්ෂකත්වය පිළිබඳව උද්ගතව ඇති මතභේද තවත් තීව්‍ර කරන සිදුවීමක් බව විචාරකයෝ පවසති.
- අද දෙරණ
